Nur-Sultanda bıznes salasyndaǵy granttar kimderge buıyrdy

Nur-Sultan qalasynyń 63 kásipkeri «Bıznestiń jol kartasy -2020» baǵdarlamasy sheńberinde óz bıznes-ıdeıalaryn júzege asyrýǵa granttar aldy. Bul týraly QazAqparat elorda ákimdigine silteme jasap habarlaıdy.

Qalalyq Investıııalar jáne kásipkerlikti damytý basqarmasynyń málimetine sáıkes, ótken jylmen salystyrǵanda bıznes-jobalar 2,6 esege ósken. 2018 jyly grant 24 kásipkerge berilse, bıyl olardyń sany 63-ti qurady.

«Granttar óz isin jańadan bastap jatqan 29 jasqa deıingi jas kásipkerlerge, 50 jastan asqan áıelder, múgedekterge berildi. Memlekettik qoldaýǵa ıe bolǵan kásipkerler negizinen taýar óndirý, bilim beri, kıim tigý, aqparattyq tehnologııalar, baspa isi, ǵylym, sáýlet jáne qyzmet kórsetý salasynda jumys isteıtinder», — dedi ákimdikten.

Aıta keteıik, shaǵyn jáne orta kásipkerlikti damytýǵa respýblıkalyq bıýdjetten — 128 mln teńge, sondaı-aq Jastar jylyna oraı «Bıznestiń jol kartasy-2020» baǵdarlamasy boıynsha (29 jasqa deıingi jas kásipkerlerdi qoldaýǵa) qosymsha 75 mln teńge bólindi.