جاڭالىقتار
ءنۇرالى اليەۆ «ترانستەلەكوم» باسشىلىعىنان كەتتى
فوتو:اشىق دەرەككوزدەن
ءنۇرالى اليەۆ «ترانستەلەكوم» باسشىلىعىنان كەتتى, دەپ جازدى qandastar.kz
«ترانستەلەكوم»-دا 10 جىلدان استام جۇمىس ىستەگەننەن كەيىن مەن اكتسيونەرلىك قۇرامنان شىعىپ, كومپانيانىڭ ديرەكتورلار كەڭەسىنىڭ توراعاسى قىزمەتىنەن كەتۋ تۋرالى شەشىم قابىلدادىم», – دەپ جازدى ول الەۋمەتتىك جەلىدەگى پاراقشاسىندا.
ءنۇرالى اليەۆتىڭ ايتۋىنشا, 2013 جىلى ول كومپانيا باسشىلىعىنا كەلگەندە «ترانستەلەكوم» تەمىرجول سەكتورىمەن جۇمىس ىستەيتىن شاعىن بايلانىس وپەراتورى عانا بولعان.
“وسى جىلدار ىشىندە كومپانيا ۇلتتىق دەڭگەيگە شىعىپ, تولىققاندى IT جانە ينفوكوممۋنيكاتسيالىق قىزمەتتەردى ۇسىناتىن كومپانياعا اينالدى”, — دەدى.
ايتا كەتەيىك, ترانستەلەكوم كومپانياسىنىڭ 75% اكتسياسىن ءنۇرالى اليەۆ پەن دميتري پوكۋپاتەۆ يەلەندى. قالعان 25%-ى «قازاقستان تەمىر جولى» كومپانياسىنا تيەسىلى. كومپانيا بۇرىن مەملەكەت مەنشىگىندە بولعان. 2015 جىلى «ترانستەلەكوم» 9 ملرد تەڭگەگە جەكەشەلەندىرىلدى دەگەن اقپارات تارادى.
