جاڭالىقتار
نۇرعيسا تىلەنديەۆتىڭ جارى دۇنيەدەن ءوتتى
فوتو:سكرينشوت
بەلگىلى سازگەر نۇرعيسا تىلەنديەۆتىڭ جارى داريعا تىلەنديەۆا قايتىس بولدى, دەپ جازدى qandastar.kz
سۋىت حابار قۇرمانعازى اتىنداعى قازاق ۇلتتىق حالىق اسپاپتار وركەسترىنىڭ الەۋمەتتىك جەلىدەگى پاراقشاسىندا جاريالاندى.
«قازاقستاننىڭ ەڭبەك سىڭىرگەن ءارتيسى, تالانتتى اكتريسا, كۇيشى, سازگەر, حالىق قاھارمانى نۇرعيسا تىلەنديەۆتىڭ جارى داريعا تىلەنديەۆانىڭ ومىردەن وزۋىنا بايلانىستى قايعىرا كوڭىل ايتامىز. داريعا تىلەنديەۆا ۇلتتىق مادەنيەتىمىزدىڭ دامۋىنا سۇبەلى ۇلەس قوسقان كورنەكتى ونەر يەسى. ول حالىق قاھارمانى, كۇيشى-كومپوزيتور نۇرعيسا تىلەنديەۆتىڭ ومىرلىك جارى عانا ەمەس, سازگەردىڭ شىعارماشىلىق مۇراسىن ساقتاپ, كەيىنگى ۇرپاققا جەتكىزگەن تۇلعا بولدى. داريعا تىلەنديەۆا «قازاقفيلم» كينوستۋدياسىندا تۇسىرىلگەن «التى جاسار الپامىس», «قۇلاگەر», «اق ماشينا», «جامبىلدىڭ جاستىق شاعى», «قوشتاسقىم كەلمەيدى» سىندى كوركەم فيلمدەرى ارقىلى, ۇلتتىق كينو ونەرىندە وشپەس ءىز قالدىردى. ونىڭ ونەرى مەن رۋحاني مۇراسى قازاق حالقىنىڭ جۇرەگىندە ماڭگى ساقتالادى», – دەپ جازدى وركەستر ۇجىمى.
