Nurǵısa Tilendıevtiń jary dúnıeden ótti

Foto:skrınshot

Belgili sazger Nurǵısa Tilendıevtiń jary Darıǵa Tilendıeva qaıtys boldy, dep jazdy qandastar.kz

Sýyt habar Qurmanǵazy atyndaǵy Qazaq ulttyq halyq aspaptar orkestriniń áleýmettik jelidegi paraqshasynda jarııalandy.

«Qazaqstannyń eńbek sińirgen artısi, talantty aktrısa, kúıshi, sazger, Halyq qaharmany Nurǵısa Tilendıevtiń jary Darıǵa Tilendıevanyń ómirden ozýyna baılanysty qaıǵyra kóńil aıtamyz. Darıǵa Tilendıeva ulttyq mádenıetimizdiń damýyna súbeli úles qosqan kórnekti óner ıesi. Ol Halyq qaharmany, kúıshi-kompozıtor Nurǵısa Tilendıevtiń ómirlik jary ǵana emes, sazgerdiń shyǵarmashylyq murasyn saqtap, keıingi urpaqqa jetkizgen tulǵa boldy. Darıǵa Tilendıeva «Qazaqfılm» kınostýdııasynda túsirilgen «Alty jasar Alpamys», «Qulager», «Aq mashına», «Jambyldyń jastyq shaǵy», «Qoshtasqym kelmeıdi» syndy kórkem fılmderi arqyly, ulttyq kıno ónerinde óshpes iz qaldyrdy. Onyń óneri men rýhanı murasy qazaq halqynyń júreginde máńgi saqtalady», – dep jazdy orkestr ujymy.