«Nurqanatty «asylyp qaldy» dep málimdedi»: Qarjaýbaı Nurymov Aıtbek Amangeldimen baılanys úzgenine ne sebep bolǵanyn aıtty

Foto: Vıdeodan skrınshot/Aıtbek Amangeldiniń jeke paraqshasy

Sherzat Polattyń ákesi Qarjaýbaı Nurymov sot úkiminen keıin jýrnalıst Rýslan О́tepbaıǵa suhbat berip, Aıtbek Amangeldiniń iske qalaı qosylǵanyn jáne ne sebepti onyń kómeginen bas tartqanyn aıtyp berdi, dep jazdy qandastar.kz

Sondaı-aq sheshimge qatysty oıyn da bólisti. Bul týraly Stan.kz aqparat agenttigi habarlaıdy.

Qarjaýbaı Nurymovtyń sózinshe, qaıǵyly oqıǵa bolǵan kezde otbasy aqshadan qysylǵan. Kásipteri toqtap, qaryzdy jınaı almaǵan.

“Aqsha joq, bári zatpen turǵannan keıin elge birdeńe sataıyn deseń, jarty baǵasyna suraıdy. Qaryzda aqshamyz bolǵanmen, ony jınaı almadyq. Osy kezde dostarymyz aqsha jınap, advokat jınaıyq degen. Kelisip, advokattar izdeı bastadyq. Talǵardan advokattar habarlasty. Biraq Talǵardan eshqandaı advokat almaımyn dep sheshtim”,  – dedi ol.

Aıtbek Amangeldige Qarjaýbaıdyń týysy ótinish jasaǵan eken. Al Sherzattyń ákesi bul týraly bilmepti.

“Aıtbek basynda qaıǵysy bar azamat bolǵandyqtan, meni túsinedi dep oıladym. Degenmen ol týraly, onyń advokattary jaıly jaman eshnárse aıta almaımyn. Jaqsy adam jaqsylyǵyn, jaman adam jamandyǵyn isteıdi. Sot ótti. Endi aıtqanmen paıda joq. Biraq jaqsy adam jarty jolda laqtyrmaıdy dep oılaımyn. Olar “báribir advokat taba almaı, qaıtyp keledi” dep oılaǵan bolar. Biraq Allaǵa shúkir, Meıirman aǵaǵa men habarlasqanda, ol kómek berýden bas tartqan joq. Qolynan kelgenshe kómektesti. Soǵan rızamyn”, – dedi Sherzattyń ákesi.

Ol Aıtbek Amangeldiniń komandasyndaǵy advokattarǵa shaǵymy joq ekenin aıtady.

“Aqmaral, Karına, Saıda maǵan qoldaý kórsetti. Ony joqqa shyǵara almaımyn. Olardyń eńbegin baǵalamaý – uıat. Al Aıtbekpen kelispeýshilikter boldy. Ol meni qaralasa da, ol týraly jaqsy-jaman dep eshteńe aıtpaımyn. Árkimniń isin halyq ózi baǵalaıdy ǵoı”, – dedi Nurymov.

Sondaı-aq Aıtbek Amangeldi bul iske basqa advokattardyń qosylýyna qarsy bolypty, tek óz komandasy jaýapty bolady degen.

Sherzattyń ólimi boıynsha istiń tergeýinde bir ǵana kúdiktiniń adam óltirý babymen tergelip, qalǵany «buzaqylyq» boıynsha isti bolyp jatqanyn Qarjaýbaı kópke deıin bilmepti. Sózinshe, muny tek isti Meıirman Shekeev alǵanda bilipti.

Aıtbek Amangeldimen araqatynastyń toqtaýyna onyń Nurǵanat Ǵaıypbaevty “ózi asylyp qaldy” degeni áser etken.

“Ol halyqqa Nurqanatty asylyp qaldy dep aıtty. Ol ondaı aqparat beretindeı tergeýshi de emes, zańger de emes. Týystarym soǵan narazy boldy. Ol kezde de “múmkin, solaı aıtý kerek shyǵar” dep olardy tynyshtandyrdym. Keıin taǵy da kelispeýshilikter boldy. Alaıda men advokattarynan bas tartpadym, resmı túrde kelisimshartty úzgen joq edik”, – dedi Qarjaýbaı Nurymov.

Nurymov Nurqanatty bireý óltirip kett dep oılaıdy. Alaıda is “О́zin-ózi óltirý” boıynsha jabylyp qalǵan eken.

“О́lgisi keletin adam toǵaıǵa baryp óledi dep oılamaımyn. О́ıtkeni janynda qora bar, úı bar. Aıdalaǵa baryp júrmeıdi dep oılaımyn. Sondaı-aq aıaǵy jerge tıip, otyryp óletindi kórmeppin. 15 jyldan artyq tájirıbem bar, jumys boıynsha ózine qol salǵan adamdardy kórdim. Nurqanatty bir tanysy nemese bireýler aldap shaqyryp óltirdi dep oılaımyn. Onyń ózine qol salýǵa sebebi joq”, – dedi ol.

Buǵan deıin Sherzattyń ájesi Meıirman Shekeevke ótinish jasaǵan. Iaǵnı otbasyna aqparattyq shabýyl, qaralaý isi boıynsha kómek surapty. Alaıda ol Nurymovtyń óziniń habarlasýyn kútken.

“Men jelige osy jaıt boıynsha óz ókinishimdi bildirip, vıdeo júktedim. Kópshiligi “isti alyńyzshy” dep jazdy, alaıda jábirlenýshi tarap ózi aıtpaıynsha, qosyla almadym. Qarjaýbaıdyń “is sizge amanat” degen sózi maǵan áser etti. Ol basqa kúdiktilerdiń “Buzaqylyq baby boıynsha sottalaıyn dep jatqanyn bilmegen eken. Estigen kezde shok boldy. Keıin isti eki komanda birigip qolǵa alsyn dep ótinish jasadym, qujattardy surap, advokattarǵa jazdym. Alaıda Saıda da, Aıtbek te jaýap bermeı qoıdy. Az ýaqytta 62 tomdy oqý kerek boldy”, – dedi Shekeev.

Sózinshe, alǵashynda is bárine Qylmystyq kodekstiń 99-baby “Adam óltirý” boıynsha qozǵaldy. Biraq keıin tergeýshilerdiń sheshiminen bap ózgertildi.

“Aıtsań, óz áriptesterim, alaıda olar shaǵymdanýǵa nıet bildirmegen. Saraptama boıynsha ólimge pyshaq suqqany áser etken de, uryp-soqqany jeńil dárejedegi zaqym dep eseptelgen. Alaıda is kisi óltirýge oqtalý dep saralanýy kerek edi”, – dedi ol.

Eske salsaq, 5 maýsymda Jetisý oblysynyń qylmystyq ister jónindegi mamandandyrylǵan aýdanaralyq sotynda sýdıa Erjan Januzaqov jasóspirim Sherzat Polatty óltirdi dep aıyptalǵan 9 sottalýshyǵa úkim shyǵardy.

Sot qaýlysymen basty kúdikti Abzal Shynasyl 23 jylǵa bas bostandyǵynan aıyryldy. Oǵan Qylmystyq kodekstiń 99-baby 2-bóligi (Adam óltirý), 293-baby 3-bóligi (Buzaqylyq), 24-baby 3-bóligi (Qylmysqa daıyndalý jáne qylmysqa oqtalý) boıynsha aıyp taǵyldy.

2024 jyly 4 qazanǵa qaraǵan túni Talǵarda16 jastaǵy Sherzat Polat qaza tapqan edi. Onyń ólimi qoǵamda úlken rezonans týdyrdy.