«نۇرقاناتتى «اسىلىپ قالدى» دەپ مالىمدەدى»: قارجاۋباي نۇرىموۆ ايتبەك امانگەلدىمەن بايلانىس ۇزگەنىنە نە سەبەپ بولعانىن ايتتى

فوتو: ۆيدەودان سكرينشوت/ايتبەك امانگەلدىنىڭ جەكە پاراقشاسى

شەرزات پولاتتىڭ اكەسى قارجاۋباي نۇرىموۆ سوت ۇكىمىنەن كەيىن جۋرناليست رۋسلان وتەپبايعا سۇحبات بەرىپ, ايتبەك امانگەلدىنىڭ ىسكە قالاي قوسىلعانىن جانە نە سەبەپتى ونىڭ كومەگىنەن باس تارتقانىن ايتىپ بەردى, دەپ جازدى qandastar.kz

سونداي-اق شەشىمگە قاتىستى ويىن دا ءبولىستى. بۇل تۋرالى Stan.kz اقپارات اگەنتتىگى حابارلايدى.

قارجاۋباي نۇرىموۆتىڭ سوزىنشە, قايعىلى وقيعا بولعان كەزدە وتباسى اقشادان قىسىلعان. كاسىپتەرى توقتاپ, قارىزدى جيناي الماعان.

“اقشا جوق, ءبارى زاتپەن تۇرعاننان كەيىن ەلگە بىردەڭە ساتايىن دەسەڭ, جارتى باعاسىنا سۇرايدى. قارىزدا اقشامىز بولعانمەن, ونى جيناي المادىق. وسى كەزدە دوستارىمىز اقشا جيناپ, ادۆوكات جينايىق دەگەن. كەلىسىپ, ادۆوكاتتار ىزدەي باستادىق. تالعاردان ادۆوكاتتار حابارلاستى. بىراق تالعاردان ەشقانداي ادۆوكات المايمىن دەپ شەشتىم”,  – دەدى ول.

ايتبەك امانگەلدىگە قارجاۋبايدىڭ تۋىسى ءوتىنىش جاساعان ەكەن. ال شەرزاتتىڭ اكەسى بۇل تۋرالى بىلمەپتى.

“ايتبەك باسىندا قايعىسى بار ازامات بولعاندىقتان, مەنى تۇسىنەدى دەپ ويلادىم. دەگەنمەن ول تۋرالى, ونىڭ ادۆوكاتتارى جايلى جامان ەشنارسە ايتا المايمىن. جاقسى ادام جاقسىلىعىن, جامان ادام جاماندىعىن ىستەيدى. سوت ءوتتى. ەندى ايتقانمەن پايدا جوق. بىراق جاقسى ادام جارتى جولدا لاقتىرمايدى دەپ ويلايمىن. ولار “بارىبىر ادۆوكات تابا الماي, قايتىپ كەلەدى” دەپ ويلاعان بولار. بىراق اللاعا شۇكىر, مەيىرمان اعاعا مەن حابارلاسقاندا, ول كومەك بەرۋدەن باس تارتقان جوق. قولىنان كەلگەنشە كومەكتەستى. سوعان ريزامىن”, – دەدى شەرزاتتىڭ اكەسى.

ول ايتبەك امانگەلدىنىڭ كومانداسىنداعى ادۆوكاتتارعا شاعىمى جوق ەكەنىن ايتادى.

“اقمارال, كارينا, سايدا ماعان قولداۋ كورسەتتى. ونى جوققا شىعارا المايمىن. ولاردىڭ ەڭبەگىن باعالاماۋ – ۇيات. ال ايتبەكپەن كەلىسپەۋشىلىكتەر بولدى. ول مەنى قارالاسا دا, ول تۋرالى جاقسى/جامان دەپ ەشتەڭە ايتپايمىن. اركىمنىڭ ءىسىن حالىق ءوزى باعالايدى عوي”, – دەدى نۇرىموۆ.

سونداي-اق ايتبەك امانگەلدى بۇل ىسكە باسقا ادۆوكاتتاردىڭ قوسىلۋىنا قارسى بولىپتى, تەك ءوز كومانداسى جاۋاپتى بولادى دەگەن.

شەرزاتتىڭ ءولىمى بويىنشا ءىستىڭ تەرگەۋىندە ءبىر عانا كۇدىكتىنىڭ ادام ءولتىرۋ بابىمەن تەرگەلىپ, قالعانى «بۇزاقىلىق» بويىنشا ءىستى بولىپ جاتقانىن قارجاۋباي كوپكە دەيىن بىلمەپتى. سوزىنشە, مۇنى تەك ءىستى مەيىرمان شەكەەۆ العاندا ءبىلىپتى.

ايتبەك امانگەلدىمەن اراقاتىناستىڭ توقتاۋىنا ونىڭ نۇرعانات عايىپباەۆتى ء“وزى اسىلىپ قالدى” دەگەنى اسەر ەتكەن.

“ول حالىققا نۇرعاناتتى اسىلىپ قالدى دەپ ايتتى. ول ونداي اقپارات بەرەتىندەي تەرگەۋشى دە ەمەس, زاڭگەر دە ەمەس. تۋىستارىم سوعان نارازى بولدى. ول كەزدە دە “مۇمكىن, سولاي ايتۋ كەرەك شىعار” دەپ ولاردى تىنىشتاندىردىم. كەيىن تاعى دا كەلىسپەۋشىلىكتەر بولدى. الايدا مەن ادۆوكاتتارىنان باس تارتپادىم, رەسمي تۇردە كەلىسىمشارتتى ۇزگەن جوق ەدىك”, – دەدى قارجاۋباي نۇرىموۆ.

بۇعان دەيىن شەرزاتتىڭ اجەسى مەيىرمان شەكەەۆكە ءوتىنىش جاساعان. ياعني وتباسىنا اقپاراتتىق شابۋىل, قارالاۋ ءىسى بويىنشا كومەك سۇراپتى. الايدا ول نۇرىموۆتىڭ ءوزىنىڭ حابارلاسۋىن كۇتكەن.

“مەن جەلىگە وسى جايت بويىنشا ءوز وكىنىشىمدى ءبىلدىرىپ, ۆيدەو جۇكتەدىم. كوپشىلىگى ء“ىستى الىڭىزشى” دەپ جازدى, الايدا جابىرلەنۋشى تاراپ ءوزى ايتپايىنشا, قوسىلا المادىم. قارجاۋبايدىڭ ء“ىس سىزگە امانات” دەگەن ءسوزى ماعان اسەر ەتتى. ول باسقا كۇدىكتىلەردىڭ “بۇزاقىلىق بابى بويىنشا سوتتالايىن دەپ جاتقانىن بىلمەگەن ەكەن. ەستىگەن كەزدە شوك بولدى. كەيىن ءىستى ەكى كوماندا بىرىگىپ قولعا السىن دەپ ءوتىنىش جاسادىم, قۇجاتتاردى سۇراپ, ادۆوكاتتارعا جازدىم. الايدا سايدا دا, ايتبەك تە جاۋاپ بەرمەي قويدى. از ۋاقىتتا 62 تومدى وقۋ كەرەك بولدى”, – دەدى شەكەەۆ.

سوزىنشە, العاشىندا ءىس بارىنە قىلمىستىق كودەكستىڭ 99-بابى “ادام ءولتىرۋ” بويىنشا قوزعالدى. بىراق كەيىن تەرگەۋشىلەردىڭ شەشىمىنەن باپ وزگەرتىلدى.

“ايتساڭ, ءوز ارىپتەستەرىم, الايدا ولار شاعىمدانۋعا نيەت بىلدىرمەگەن. ساراپتاما بويىنشا ولىمگە پىشاق سۇققانى اسەر ەتكەن دە, ۇرىپ-سوققانى جەڭىل دارەجەدەگى زاقىم دەپ ەسەپتەلگەن. الايدا ءىس كىسى ولتىرۋگە وقتالۋ دەپ سارالانۋى كەرەك ەدى”, – دەدى ول.

ەسكە سالساق, 5 ماۋسىمدا جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا سۋديا ەرجان جانۇزاقوۆ ءجاسوسپىرىم شەرزات پولاتتى ءولتىردى دەپ ايىپتالعان 9 سوتتالۋشىعا ۇكىم شىعاردى.

سوت قاۋلىسىمەن باستى كۇدىكتى ابزال شىناسىل 23 جىلعا باس بوستاندىعىنان ايىرىلدى. وعان قىلمىستىق كودەكستىڭ 99-بابى 2-بولىگى (ادام ءولتىرۋ), 293-بابى 3-بولىگى (بۇزاقىلىق), 24-بابى 3-بولىگى (قىلمىسقا دايىندالۋ جانە قىلمىسقا وقتالۋ) بويىنشا ايىپ تاعىلدى.

2024 جىلى 4 قازانعا قاراعان ءتۇنى تالعاردا16 جاستاعى شەرزات پولات قازا تاپقان ەدى. ونىڭ ءولىمى قوعامدا ۇلكەن رەزونانس تۋدىردى.