Nurqoja Qaıpanov erkin kúresten álem chempıony atandy

Foto: olympic.kz

Nurqoja Qaıpanov Albanııanyń bas qalasy Tıranada ótip jatqan álem chempıonatynda jeńimpaz atandy, dep habarlady qandastar.kz aqparat portaly. 

Otandasymyz fınalda japon palýany Ioshınosýke Aoıagıden basym tústi. Esep: 3-5.

Nurqoja dál osy salmaqta (70 kg) 5 jyl buryn elimizdiń astanasynda ótken álem chempıonatynda kúmis júldege ıe bolǵan.

Osylaısha, elimizden 2-jyl qataryna erkin kúresten álem chempıony shyqty. Byltyr Serbııa astanasy Belgradta Rızabek Aıtmuhan 92 kg deıingi salmaqta top jarǵan.

Aıta keteıik, keshe Qaıpanov irikteýde Mıtchell Fınesılverdi (Izraıl), keıin Nıkolaı Grahmezdi (Moldova), Akakı Kemertelıdzeni (Grýzııa) aıqyn basymdyqpen jeńgen. Jartylaı fınalda tájikstandyq Abdýlmajıd Kýdıevti taza jyqty.

Osymen Tıranadaǵy Olımpıada baǵdarlamasyna kirmeıtin salmaqtar boıynsha álem chempıonaty máresine jetti. Qazaqstan quramasy 1 altyn, 2 kúmis medal jeńip aldy.