جاڭالىقتار
نۇرلان قويانباەۆ جول بويىندا ساۋدا جاساپ تۇرعان كەلىنشەكتەن 2 توننا قاربىز ساتىپ الدى
فوتو: instagram / koyanbayevnurlan
تۇركىستان وبلىسىنىڭ اكىمىنىڭ شتاتتان تىس كەڭەسشىسى, ازىلكەش نۇرلان قويانباەۆ جول بويىنداعى ساتۋشى كەلىنشەكتى قۋانىشقا بولەدى, دەپ حابارلايدى Qaz365.kz.
ازىلكەشتىڭ Instagram-پاراقشاسىندا جاريالانعان ۆيدەودا اكتەردىڭ ءوزىنىڭ «بۇرىنعى تانىسىمەن» كەزدەسۋىن كورۋگە بولادى.
ەستەرىڭىزدە بولسا, جەلىدە قويانباەۆقا تەگىن قاربىز بەرگەن ايەلدىڭ ۆيدەوسى كەڭىنەن تاراپ كەتكەن. ءوز كەزەگىندە اكتەر دە ساتۋشىعا العىسىن بىلدىرگىسى كەلگەن: ول بىردەن ەكى توننا قاربىز ساتىپ العان.
«ساۋداڭىز ءجۇرسىن. سىزگە قولداۋ بىلدىرگىم كەلىپ تۇر. ايتىڭىزشى, مىنا ساتىپ تۇرعان قاربازدارىڭىزدىڭ بارلىعى قانشا تۇرادى?», – دەگەن نۇرلان قويانباەۆ كەلىنشەكتىڭ بانك كارتاسىنا 200 مىڭ تەڭگە اۋدارىپ جىبەرگەن.
«تولقىپ كەتتىم عوي, مۇنداي اقشا الىپ كورمەگەنمىن عوي», – دەپ ەموتسياسىمەن ءبولىستى كەلىنشەك.
ازىلكەش وسى رەتتە قاربىزدى ساتىپ الۋدى چەللەندجگە اينالدىرعان, ساتۋشىلارمەن اڭگىمە بارىسىندا ول بيىل ساۋدانىڭ ناشار ەكەنىن بىلگەن.
