جاڭالىقتار
نۇرلان نىعماتۋليننىڭ تاعى ءبىر باۋىرىنىڭ ۇستىنەن قىلمىستىق ءىس قوزعالدى
فوتو: YDD
باس پروكۋراتۋرا ءماجىلىستىڭ ەكس-سپيكەرى نۇرلان نىعماتۋليننىڭ باۋىرى ەرلان نىعماتۋليننىڭ ۇستىنەن قىلمىستىق ءىس قوزعادى. بۇل تۋرالى qandastar.kz اقپارات پورتالى Stan.kz-كە سىلتەمە جاساپ حابارايدى.
قىلمىستىق ءىستىڭ قوزعالۋىنا كاسىپكەر راميس يبراگيموۆتىڭ بۇرىنعى سەناتور ەرلان نىعماتۋليندى رەيدەرلىك جاسادى دەپ ايىپتاعان ارىزى سەبەپ بولعان. باس پروكۋراتۋرانىڭ ءباسپاسوز قىزمەتى بوپسالاۋ فاكتىسى بويىنشا قىلمىستىق ءىس قوزعالعانىن راستادى.
ايتا كەتەيىك, بۇعان دەيىن Zara فرانشيزاسىنىڭ بۇرىنعى يەسى ناتاليا وۆدەيچۋك پەن ونىڭ كۇيەۋى راميس يبراگيموۆ ەرلان نىعماتۋليندى رەيدەرلىك جاسادى دەپ ايىپتاعان ەدى.
نۇرلان نىعماتۋلين ءماجىلىس سپيكەرى قىزمەتىنەن 2022 جىلدىڭ 1 اقپانىندا قاڭتار وقيعالارىنان كەيىن كەتتى. ول 2016 جىلدان بەرى تومەنگى پالاتانى باسقارىپ كەلگەن ەدى. ال ەرلان نىعماتۋلين – نۇرلان نىعماتۋليننىڭ ەگىز باۋىرى, ول ماجىلىستە جانە سەناتتا دەپۋتات بولعان.
