نۇرلان نىعماتۋليننىڭ ۇلىنا قاتىستى رەيدەرلىك ارەكەتتەر بويىنشا قىلمىستىق ءىس قوزعالدى

فوتو: «بايتەرەك” ۇلتتىق باسقارۋ حولدينگى

ءماجىلىستىڭ ەكس-توراعاسى نۇرلان نىعماتۋليننىڭ ۇلكەن ۇلى نۇرجان نۇرلانوۆتىڭ ۇستىنەن قىلمىستىق ءىس قوزعالدى. بۇل تۋرالى qandastar.kz كازتاگ باسىلىمىنا سىلتەمە جاساپ حابارلايدى.

بۇعان دەيىن وتاندىق كاسىپكەر قانات امىركين نۇرلان نىعماتۋليننىڭ ۇلكەن ۇلى نۇرجان نۇرلانوۆ وزىنەن «الاتاۋدورستروي» كومپانياسىن تارتىپ الىپ, ودان ۇلكەن سومادا اقشا تالاپ ەتكەنىن ايتقان ەدى.

ىشكى ىستەر مينيسترلىگى وسىعان قاتىستى پىكىر ءبىلدىردى.

“اتالعان فاكت بويىنشا الماتى قالالىق پوليتسيا دەپارتامەنتىنىڭ تەرگەۋ باسقارماسى قىلمىستىق كودەكستىڭ 389-بابىمەن (وزبىرلىق) الدىن الا تەرگەۋ جۇرگىزىپ جاتىر. قازىر بولعان جاعدايدى تولىق, جان-جاقتى جانە وبەكتيۆتى زەرتتەۋ ءۇشىن تەرگەۋ ارەكەتتەرى ءجۇرىپ جاتىر”, – دەپ مالىمدەدى ىشكى ىستەر مينيسترلىگى.

الايدا كاسىپكەر قىلمىستىق ءىستىڭ “وزبىرلىق” بابى بويىنشا قارالاتىنىنا كۇمانمەن قارايدى.

“تەرگەۋ ءجۇرىپ جاتىر. كومپانيانىڭ قايتا راسىمدەلۋى بويىنشا ءىس قىلمىستىق كودەكستىڭ «وزبىرلىق بابى بويىنشا تىركەلگەن. بىراق مەنىڭ بولجاۋىمشا, بۇل ءىس رەيدەرلىك ارەكەتكە قايتا بىلىكتىرىلىپ, «الاتاۋدورستروي» كومپانياسى, سونداي-اق شىعىس اينالما اۆتوموبيل جولىنىڭ بويىنداعى جەر ۋچاسكەسىن زاڭسىز يەلىكتەن شىعارۋ بويىنشا “الاياقتىق” بابىمەن قارالادى”, – دەدى امىركين.