Nurlan Nyǵmatýlınniń ulyna qatysty reıderlik áreketter boıynsha qylmystyq is qozǵaldy

Foto: «Báıterek” ulttyq basqarý holdıngi

Májilistiń eks-tóraǵasy Nurlan Nyǵmatýlınniń úlken uly Nurjan Nurlanovtyń ústinen qylmystyq is qozǵaldy. Bul týraly qandastar.kz KazTAG basylymyna silteme jasap habarlaıdy.

Buǵan deıin otandyq kásipker Qanat Ámirkın Nurlan Nyǵmatýlınniń úlken uly Nurjan Nurlanov ózinen «Alataýdorstroı» kompanııasyn tartyp alyp, odan úlken somada aqsha talap etkenin aıtqan edi.

Ishki ister mınıstrligi osyǵan qatysty pikir bildirdi.

“Atalǵan fakt boıynsha Almaty qalalyq polıııa departamentiniń tergeý basqarmasy Qylmystyq kodekstiń 389-babymen (ozbyrlyq) aldyn ala tergeý júrgizip jatyr. Qazir bolǵan jaǵdaıdy tolyq, jan-jaqty jáne obektıvti zertteý úshin tergeý áreketteri júrip jatyr”, – dep málimdedi Ishki ister mınıstrligi.

Alaıda kásipker qylmystyq istiń “Ozbyrlyq” baby boıynsha qaralatynyna kúmánmen qaraıdy.

“Tergeý júrip jatyr. Kompanııanyń qaıta rásimdelýi boıynsha is Qylmystyq kodekstiń «Ozbyrlyq baby boıynsha tirkelgen. Biraq meniń boljaýymsha, bul is reıderlik áreketke qaıta biliktirilip, «Alataýdorstroı» kompanııasy, sondaı-aq shyǵys aınalma avtomobıl jolynyń boıyndaǵy jer ýchaskesin zańsyz ıelikten shyǵarý boıynsha “Alaıaqtyq” babymen qaralady”, – dedi Ámirkın.