نۇرسۇلتان قۇرمان باسشىلىق قىزمەتكە تاعايىندالدى

Cپورت مەنەدجەرى نۇرسۇلتان قۇرمان قازاقستان فۋتزال قاۋىمداستىعىنىڭ پرەزيدەنتى بولىپ  تاعايىندالدى, دەپ حابارلايدى Qandastar.kz قازاقستان فۋتبول فەدەراتسياسى Instagram پاراقشاسىنا سىلتەمە جاساپ.

بۇعان دەيىن, 2023-2024 جىلدار ارالىعىندا نۇرسۇلتان قۇرمان اتالمىش قاۋىمداستىقتىڭ ۆيتسە-پرەزيدەنتى قىزمەتىن اتقارىپ, مەديا ستراتەگيا مەن كوممۋنيكاتسيا باعىتتارىنا جاۋاپتى بولدى. 2025 جىلدىڭ قاڭتارىنان باستاپ ول قازاقستان فۋتبول فەدەراتسياسى پرەزيدەنتىنىڭ كەڭەسشىسى رەتىندە جۇمىس ىستەپ, مامىر ايىندا قفف اتقارۋشى كوميتەتىنىڭ قۇرامىنا ەندى.

نۇرسۇلتان قۇرمان — سپورت سالاسىندا مول تاجىريبەسى بار مامان. ول ەلدەگى فۋتبول جانە فۋتزال چەمپيوناتتارىن تۇراقتى تۇردە اقپاراتتىق قولداۋمەن قامتاماسىز ەتىپ, ءتۇرلى مەديا-جوبالاردىڭ جاسالۋى مەن دامۋىنا ۇلەس قوسقان. سونىمەن قاتار, ۇلتتىق تۋرنيرلەردى ۇيىمداستىرۋ مەن بۇقارالىق فۋتبولدى دامىتۋعا بەلسەندى قاتىسقان.

ال بۇرىنعى پرەزيدەنت تالعات قوسمۇحامبەتوۆ ەندى قاۋىمداستىقتا ۆيتسە-پرەزيدەنت لاۋازىمىنا كوشەدى.