نۇرتاس ادامباي سوت الدىندا جاۋاپ بەرەدى

فوتو: kursiv.media

ءىس استانا قالاسىنىڭ اكىمشىلىك قۇقىق بۇزۋشىلىق ىستەر جونىندەگى مامانداندىرىلعان اۋدانارالىق سوتىندا قارالۋدا, دەپ حابارلايدى Skifnews.kz اقپارات پورتالى.

Stan.kz سايتىنىڭ جازۋىنشا, نۇرتاس ادامبايعا ءدىني عيماراتتاردى سالۋ, عيماراتتاردى ءدىني ماقساتتا قايتا تاعايىنداۋ, فۋنكتسيونالدىق ماقساتىن وزگەرتۋ بويىنشا قازاقستان زاڭناماسىن بۇزدى دەپ ايىپ تاعىلعان.

سونىمەن قاتار, ادىلەت ورگاندارىندا جاريالانعان ماتەريالداردا ء“دىني ادەبيەتتى جانە ءدىني مازمۇنداعى وزگە دە ماتەريالداردى اكەلۋگە, وندىرۋگە, شىعارۋعا, باسىپ شىعارۋعا جانە (نەمەسە) تاراتۋعا قويىلاتىن تالاپتاردى بۇزۋ” بابى بويىنشا دا ايىپ تاعىلىپ وتىر.

اتالعان قۇقىق بۇزۋشىلىقتار ءۇشىن: جەكە تۇلعالارعا – 50 اەك مولشەرىندە (2024 ج. 184 600 تەڭگە), زاڭدى تۇلعالارعا – 200 اەك مولشەرىندە (2024 ج. 738 400 تەڭگە) ايىپپۇل قاراستىرىلعان.

ايتا كەتەيىك, سوت پروتسەسسى ءالى دە جالعاسىپ جاتىر. باستاپقىدا پروتسەسس قازاق تىلىندە جۇرگىزىلگەن. كەيىننەن نۇرتاس ادامبايدىڭ وتىنىشىنە سايكەس, ورىس تىلىندە جۇرگىزۋ تۋرالى قاۋلى شىققان. سوت پروتسەسسى 1 تامىزدا جالعاسادى.

ءىستى تىڭداۋ 1 تامىز كۇنى WhatsApp مەسسەندجەرى ارقىلى ءموبيلدى بەينەكونفەرەنتسيا ارقىلى وتەدى دەپ جوسپارلانعان.

بۇعان دەيىن حالىق اراسىندا كومەديالىق جانرداعى فيلمدەرىمەن تانىلعان ازىلكەش ءارتىس جانە پروديۋسەر ادامباي نازارباەۆتان, پۋتين مەن لۋكاشەنكودان كەشىرىم سۇراعان بولاتىن.