NZM-daǵy shý: mınıstrlik muǵalimdi balaǵattaǵan jaǵdaıǵa qatysty málimdeme jasady

Foto: NISh

Oqý-aǵartý mınıstrliginiń resmı ókili Mereke Amangeldiqyzy Nazarbaev zııatkerlik mektebindegi jaǵdaıǵa baılanysty resmı málimdeme jasady, dep habarlaıdy qandastar.kz

Vedomstvonyń resmı ókili ataǵandaı, bizdiń elimizde ustazdyń mártebesi zańmen bekitilgen, bul – onyń qoǵamdaǵy orny erekshe ekenin bildiredi. Ustaz – bala tárbıelep, urpaqqa jol kórsetetin ardaqty jan. Sondyqtan ata-ana men oqýshy tarapynan muǵalimge qurmetpen qaraý – eń aldymen adamgershiliktiń belgisi. Bilimge senim – sol bilimdi berip otyrǵan ustazǵa senýden bastalady. Muǵalimniń abyroıyna kúmán keltirý – búkil júıeniń bedelin túsirýmen birdeı.

Osy rette Oqý-aǵartý mınıstrligi pedagogtiń qadir-qasıetin tómendetetin kez kelgen áreketke qatań syn kózqaraspen qaraıdy. Sonymen qatar bul oqıǵada oqýshy óz qateligin túsinip, ókinish bildirip otyr. Endi NZM bul jaǵdaıdy tek ishki tártippen ǵana emes, sondaı-aq adamgershilik, keshirimdilik pen naǵyz ustazdyq ustanymdarǵa súıene otyryp sheshedi dep úmittenemiz, — dedi Mereke Amangeldiqyzy.

BAQ.KZ tilshisi jazǵandaı, Oqý-aǵartý mınıstri Ǵanı Beısembaev bul máselege ózi jiti nazar aýdaryp, tıisti tapsyrmalar berdi. Mınıstrdiń nusqaýyna sáıkes, atalǵan máselemen Balalardyń quqyqtaryn qorǵaý komıtetiniń jáne aımaqtyq departamenttiń ókilderi aınalysady.

Mınıstr «NZM» basqarma tóraǵasy Anýar Janǵozınmen sóılesti. Basqarma tóraǵasy máseleni jeke qolǵa alǵandyǵyn, jaǵdaıdy jan-jaqty qarap, ne bolǵanyn ádil baǵalap, durys sheshim qabyldaıtynyna sendirdi, — dep qosty vedomstvo ókili.