Oblys ákimi álem chempıony men júldegerine páter kiltterin tabystady

Jambyl oblysynyń ákimi Nurjan Nurjigitov 2023 jyldyń 1-14 mamyry aralyǵynda bokstan eresekter arasynda О́zbekstan Respýblıkasy, Tashkent qalasynda ótken Álem chempıonatynyń chempıony Aslanbek Shymbergenov pen kúmis júldegeri Dýlat Bekbaýovty marapattaý saltanatyna qatysty.

Aıta keteıik, atalǵan baıraqty básekege Qazaqstan qurama komandasynan 13 sportshy qatyssa, onyń ekeýi jambyldyq 67 kg salmaq dárejesinde Dýlat Bekbaýov jáne 71 kg salmaq dárejesinde Qazaqstan qurama komandasynyń kapıtany Aslanbek Shymbergenov.

Saltanatty shara barysynda jambyldyq jankúıerler, jas sportshylar jeńimpaz sportshylar men olardyń jattyqtyrýshylaryn qoshemetpen qarsy alyp, qurmet kórsetti. Aıtysker aqyn Nurlybek Qurmanov sportshylarǵa arnaý aıtyp, jeńisterin jyrǵa qosty.

— Álemdik básekede kók Týymyzdy bıikke kótergen órenderimiz Aslanbek pen Dýlatty aıtýly álemdik jeńisimen shyn júrekten quttyqtaımyn! Jambyl boks mektebiniń jarqyn dástúrin saqtaǵan sportshylarymyz ózderin naǵyz sheber boksshy ekendikterin osy Álem birinshiliginde aıryqsha kórsete bildi! Búgingi boks áleminde ózderiniń dara talantymen talaıdy moıyndatqan Aslanbek pen Dýlat keshegi Jambyl boksynyń dańqyn tórtkúl dúnıege pash etken Serik Qonaqbaev, Bolat Jumádilov, Ermahan Ybraıymov, Bolat Nııazymbetov, Baqtııar Artaev, Ǵanı Jaılaýov, Oljas Sáttibaev, Ábilhan Amanqul syndy has sheberlerdiń jeńisti joldaryn tabysty jalǵastyra bildi.

1999 jyly Hıýstonda (AQSh) ótken Álem chempıonatynda Bolat Jumádilov altynnan alqa taqsa, araǵa 24 jyl salyp Aslanbek Shymberegenov sol jeńisti, sol erlikti qaıtalap otyr. Bul biz úshin úlken qýanysh, joǵary mártebe.

Boksshylarymyzdy úlken rıngke baýlyp, halyqaralyq dárejedegi sport sheberi deńgeıine kótergen Qazaqstan Respýblıkasyna eńbegi sińgen jattyqtyrýshy Nurlan Aqúrpekov pen Ermek Ertaevtardyń eren eńbekterin de aıryqsha atap ótkim keledi,-deı kele Nurjan Nurjigitov boksshylardyń ata-analaryna da rızashylyǵyn jetkizdi.

Sondaı-aq, aımaq basshysy Aslanbektiń altyn, Dýlattyń kúmis medali – aldaǵy Parıj Olımpıadasynyń altyn medaline ulasýyna nıettestigin bildirdi.

Oblys ákimi sportshylardy marapattap, syı-sııapattaryn tabystady.

Atap aıtsaq, Álem chempıony Aslanbek Shymbergenovke 3 bólmeli páterdiń kilti, onyń jeke bapkeri Ermek Ertaevqa 5 000 000 teńgeniń sertıfıkaty tabystaldy.
Al, Álem chempıonatynyń kúmis júldegeri Dýlat Bekbaýovqa 2 bólmeli páterdiń kilti, onyń jeke bapkeri Nurlan Aqúrpekovke 3 000 000 teńgeniń sertıfıkaty tabystaldy.
Saltanatty shara barysynda qoǵam qaıratkeri, Jambyl oblysy boks federaııasynyń tuńǵysh prezıdenti Qaırat Shotpaqov te óz quttyqtaýyn jetkizip, sportshylardyń eleýli eńbegin atap ótti.

Álem chempıony Aslanbek Shymbergenov te óziniń áserimen bólisip, qoldaý bildirip, tileýles bolǵan barsha jankúıerlerine alǵysyn aıtty.