«Oǵan qamqorlyq jasaǵym keldi»: Ádilet Maıǵazıev súıiktisimen qalaı tanysqanyn aıtty

Sáken Maıǵazıevtiń kúni keshe ǵana shańyraq kótergen uly Ádilet Maıǵazıev súıiktisimen qalaı tanysqanyn aıtty, dep habarlaıdy Qandastar.kz aqparat portaly.

Ol súıiktisi Ádııany alǵash Aqtaý qalasyna barǵanda kórgen.

«Bir jyl buryn Aqtaýda tanystyq. Bereket degen dosym kofehana ashqan. Ákem, kómekshisi úsheýimiz qoldaý bildirip bardyq. Sol kezde kórdim. Syrttaı kórip, unatyp qaldym. Biraq ol ashylýda tanysqan joqpyz. Sodan aramyz úzilip qaldy. Bir kúni Bereket dosym úılenetin boldy. Sol toıǵa ata-anammen bardyq. Ádııa – dosymnyń jaqyn qaryndasy. Dosymnyńi týysqany bolǵasyn birden sózge tartyp, tanysyp kete almadym. Úılený toıdan keıin jastar shaǵyn basqosýǵa jınaldyq. Bizdiń jaqyn tanysýymyzǵa da sol kesh sebep boldy. Erteńine Berekettiń úıine meniń ata-anam, óziniń týystary jınaldy. Dastarhanda Ádııa meniń janyma otyryp qaldy. Syrtqa shyqqanda onyń aıaq kıimin áperdim. Oǵan qamqorlyq jasaǵym keldi. Sodan beri dos bolyp aralasa bastadyq. Mine, shańyraq kóterdik», — dedi ol.