«Oıyn ádil bolǵan joq»: Gúlzıra Aıdarbekovanyń quny 50 mln teńgelik kóligin 7 balasy bar ana utyp aldy

Tanymal prodıýser Gúlzıra Aıdarbekova sýsabyn shyǵaryp, oqyrmandaryna utys oıynyn oınatty. О́ner ıesi satyp alýshylar arasynda lotoreıa oınatyp, jeke paraqshasynda utys qorytyndysyn jarııalady, dep habarlaıdy Qandastar.kz

“Keshe biraz jannyń bir túnde mıllıoner bolýyna, kredıt jabýyna, kólik utýyna sebepshi boldyq. Altyn men brıllıant, kóılekterime deıin tarattym. “Bir qaryn maıdy bir qumalaq shiritedi” demekshi, utpaı qalǵan kisiler de bar. О́zge kisiniń qýanyshyna ortaq bolýdyń ornyna “ádil emes” dep jatqandar da bar. 200 paıyz ádil ótti. 7 balasy bar muqtaj janǵa quny 50 mıllıon teńge turatyn Leksýs kóligim buıyrdy. Utpaı qalǵan kisilerge aıtarym, sizder sýsabyn aldyńyzdar! Taýar keri qaıtarylmaıdy. Bilesizder, men aldap qashyp ketetin adam emespin. 2-3 kúnde taýardy jetkizemiz”, – dedi Gúlzıra.

Jeli qoldanýshylary utys shartynyń durys túsindirilmegenine narazy bolyp, pikir qaldyrdy.

“Basynda tólem jasaǵandar utyssyz qaldy”, “Efırdi 7 mınýt kúttim”, “Eń qyzyǵy, kólikti múldem taýar almaǵan adam utty”, “Bes saǵat telmirip otyryp, túk utpadyq”, “Kólikten buryn brıllıant utqym kelgen”, “Oıyn ádil bolǵan joq”, “Sońǵy sátte ǵana satyp alǵandar utyp ketti”, – dep jazdy kópshilik.