Jańalyqtar
Oıynshyǵa qol kótergen «Astana» fýtbol klýbynyń jattyqtyrýshysyna 1 mln teńge aıyppul salyndy
Match bitken soń daý týyndap, jattyqtyrýshy Babaıan oıynshyǵa qol kótergen.
«Astana» fýtbol klýbynyń jattyqtyrýshysy Grıgorıı Babaıanǵa matchtan keıingi áreketi úshin 1 mıllıon teńge aıyppul salyndy, dep habarlaıdy qandastar.kz Skifnews.kz aqparat agenttigine silteme jasap.
Qazaqstan fýtbol federaııasynyń málimetine sáıkes janjal 30 qazanda «Astana» men «Atyraý» klýbtarynyń arasyndaǵy matchtan keıin bolǵan. Oıynda 3:2 esebimen astanalyq klýb jeńiske jetken. Alaıda match bitken soń daý týyndap, jattyqtyrýshy Babaıan oıynshyǵa qol kótergen.
Daýdan keıin 1 qarashada «Astana» men «Atyraý» komandalary arasyndaǵy tártip buzýshylyq Qazaqstan fýtbol federaııasynyń Baqylaý, tártiptik jáne etıka komıtetiniń otyrysynda qaralǵan.
«QFF Etıka kodeksiniń 10, 12, 13 tarmaqtaryn buzǵany úshin 48-tarmaqty negizge ala otyryp «Astana» quramasynyń jattyqtyrýshysy Babaıan Grıgorııdi 2 matchqa oıynnan alshaqtatyp, 300 AEK nemese 1 107 600 teńge aıyppul salyndy. Oıynnan alshaqtatý merzimi 2024 jyldyń 31 qazanynan bastap esepteledi. Aıyppuldy 2024 jyldyń 1 jeltoqsanyna deıin tóleýi kerek», – delingen habarlamada.
Sonymen qatar «Atyraý» klýbyna 369 200 teńge aıyppul salynǵan. Al klýb oıynshysy Barbosa Soares Mateus tártipke qaıshy áreketi úshin 200 AEK nemese 738 400 teńge aıyppul tóleıdi.
