«وقيعا ورنىندا پوليتسيا قىزمەتكەرى بولدى»: اقمولا وبلىسىندا سوققىعا جىعىلعان تۇلەكتىڭ اناسى پوليتسيانىڭ جۇمىسىنا شاعىمداندى

فوتو: ۆيدەودان سكرين

اقمولا وبلىسى اقكول قالاسىندا 11-سىنىپتى بىتىرگەن رومان پاۋكوۆتى ەكى ەڭگەزەردەي ەركەك ەش سەبەپسىز سوققىعا جىعىپ, تەپكىگە العان, دەپ جازدى qandastar.kz

بولعان جاعدايدى ءجاسوسپىرىمنىڭ اناسى بايانداپ, قۇقىق قورعاۋ ورگاندارىنىڭ ارەكەتسىزدىگىنە شاعىمداندى. بۇل تۋرالى Stan.kz اقپارات اگەنتتىگى حابارلايدى.

يننا پاۋكوۆانىڭ ايتۋىنشا, 21 ماۋسىم كۇنى  ۇلى رومان پاۋكوۆقا كوشەنىڭ قاق ورتاسىندا ەكى ەرەسەك ەر ادام شابۋىل جاساعان.

ء“بىرىنىڭ جاسى 31-دە, ەكىنشىسى 23 جاستا. ەش سەبەپسىز, ەشتەڭە تۇسىندىرمەستەن شابۋىل جاسادى. ولاردىڭ ءبىرى كولىك جۇرگىزىپ كەلە جاتىپ, الدىمەن ۇلىمدى قاعىپ كەتپەكشى بولعان, كەيىن ەكەۋى دە كولىكتەن ءتۇسىپ, ونى اياۋسىز سوققىعا جىقتى. بالام ەسىنەن تانىپ قالعانشا ۇرىپ-سوقتى. ولار ماس بولعان نەمەسە ەسكىرتى قولدانعان بولۋى مۇمكىن. ولاردىڭ بۇل ارەكەتىن اقتاۋ مۇمكىن ەمەس. بۇل جاسوسپىرىمدەردىڭ اراسىنداعى جانجال دا, كەزدەيسوق توبەلەس تە ەمەس. بۇل ەرەسەك ادامداردىڭ جاڭا ومىرگە قادام باسقان بالانى قاساقانا سوققىعا جىعۋى «, – دەيدى ايەل.

ونىڭ ايتۋىنشا, وقيعا ورنىندا اقكول اۋداندىق پوليتسيا ءبولىمىنىڭ قىزمەتكەرى بولعان. ول ەكى ەر ادامنىڭ ۇلدى سوعىپ جاتقانىن كورىپ: ء“بارى دۇرىس پا?» دەپ سۇراعان. بىراق ەكەۋى دورەكى تۇردە ونىڭ ول جەردەن كەتۋىن تالاپ ەتكەن. ءسويتىپ پوليتسيا قىزمەتكەرى وقيعا ورنىنان كەتىپ قالعان. ال رومان سول ساتتە جەردە قانسىراپ جاتقان.

پوليتسيا 102 ءنومىرى ارقىلى شاقىرىلىپ, رومان شۇعىل تۇردە اۋرۋحاناعا جەتكىزىلدى. كۇدىكتىلەر دە مەديتسينالىق مەكەمەگە جەتكىزىلدى. ولار اۋرۋحانادا دا اشۋلانىپ, مىنەز كورسەتكەن. ءتىپتى زارداپ شەككەن بالا مەن ونىڭ اناسىنان ارىز جازباۋدى تالاپ ەتىپ, قورقىتقان.

پاۋكوۆانىڭ ايتۋىنشا, اقكول اۋداندىق پوليتسيا بۇل وقيعا بويىنشا ءىستىڭ تىركەلگەنى تۋرالى ەشقانداي حابارلاما بەرمەگەن. تەك پروكۋراتۋراعا جۇگىنگەننەن كەيىن عانا ول سوتقا دەيىنگى تەرگەپ-تەكسەرۋ ءىسىنىڭ بىرىڭعاي رەەسترىنە تىركەلگەن ءنومىرىن بىلگەن.

ال اقمولا وبلىستىق پوليتسيا دەپارتامەنتى بولسا, بۇل وقيعا بويىنشا قىلمىستىق ءىس ءدال سول كۇنى قىلمىستىق كودەكستىڭ 293-بابى 2-بولىگى (بۇزاقىلىق) بويىنشا قوزعالعانىن راستادى.

«وقيعاعا قاتىسى بار بارلىق تۇلعالار انىقتالىپ, جاۋاپ الىندى. تەرگەۋ اياسىندا وقيعانىڭ ءمان-جايى انىقتالىپ جاتىر. ءىس وبلىستىق پوليتسيا دەپارتامەنتى باسشىلىعىنىڭ باقىلاۋىندا», – دەدى ۆەدومستۆونىڭ ءباسپاسوز قىزمەتى.