«Oqıǵa ornynda polıııa qyzmetkeri boldy»: Aqmola oblysynda soqqyǵa jyǵylǵan túlektiń anasy polıııanyń jumysyna shaǵymdandy

Foto: Vıdeodan skrın

Aqmola oblysy Aqkól qalasynda 11-synypty bitirgen Roman Paýkovty eki eńgezerdeı erkek esh sebepsiz soqqyǵa jyǵyp, tepkige alǵan, dep jazdy qandastar.kz

Bolǵan jaǵdaıdy jasóspirimniń anasy baıandap, quqyq qorǵaý organdarynyń áreketsizdigine shaǵymdandy. Bul týraly Stan.kz aqparat agenttigi habarlaıdy.

Inna Paýkovanyń aıtýynsha, 21 maýsym kúni uly Roman Paýkovqa kósheniń qaq ortasynda eki eresek er adam shabýyl jasaǵan.

“Biriniń jasy 31-de, ekinshisi 23 jasta. Esh sebepsiz, eshteńe túsindirmesten shabýyl jasady. Olardyń biri kólik júrgizip kele jatyp, aldymen ulymdy qaǵyp ketpekshi bolǵan, keıin ekeýi de kólikten túsip, ony aıaýsyz soqqyǵa jyqty. Balam esinen tanyp qalǵansha uryp-soqty. Olar mas bolǵan nemese eskirti qoldanǵan bolýy múmkin. Olardyń bul áreketin aqtaý múmkin emes. Bul jasóspirimderdiń arasyndaǵy janjal da, kezdeısoq tóbeles te emes. Bul eresek adamdardyń jańa ómirge qadam basqan balany qasaqana soqqyǵa jyǵýy «, – deıdi áıel.

Onyń aıtýynsha, oqıǵa ornynda Aqkól aýdandyq polıııa bóliminiń qyzmetkeri bolǵan. Ol eki er adamnyń uldy soǵyp jatqanyn kórip: “Bári durys pa?» dep suraǵan. Biraq ekeýi dóreki túrde onyń ol jerden ketýin talap etken. Sóıtip polıııa qyzmetkeri oqıǵa ornynan ketip qalǵan. Al Roman sol sátte jerde qansyrap jatqan.

Polıııa 102 nómiri arqyly shaqyrylyp, Roman shuǵyl túrde aýrýhanaǵa jetkizildi. Kúdiktiler de medıınalyq mekemege jetkizildi. Olar aýrýhanada da ashýlanyp, minez kórsetken. Tipti zardap shekken bala men onyń anasynan aryz jazbaýdy talap etip, qorqytqan.

Paýkovanyń aıtýynsha, Aqkól aýdandyq polıııa bul oqıǵa boıynsha istiń tirkelgeni týraly eshqandaı habarlama bermegen. Tek prokýratýraǵa júgingennen keıin ǵana ol sotqa deıingi tergep-tekserý isiniń biryńǵaı reestrine tirkelgen nómirin bilgen.

Al Aqmola oblystyq polıııa departamenti bolsa, bul oqıǵa boıynsha qylmystyq is dál sol kúni Qylmystyq kodekstiń 293-baby 2-bóligi (Buzaqylyq) boıynsha qozǵalǵanyn rastady.

«Oqıǵaǵa qatysy bar barlyq tulǵalar anyqtalyp, jaýap alyndy. Tergeý aıasynda oqıǵanyń mán-jaıy anyqtalyp jatyr. Is oblystyq polıııa departamenti basshylyǵynyń baqylaýynda», – dedi vedomstvonyń baspasóz qyzmeti.