О́kinip keshirim surady, olar úıqamaqta: 1000 adam zorlaǵan qyzylordalyq qyzdyń isine qatysty tyń aqparat shyqty

Foto: ashyq derekkóz

Qyzylordada jynystyq quldyqta bolǵan 16 jastaǵy qyzdyń isine qatysty tyń aqparat shyqty, dep habarlaıdy qandastar.kz KYN.KZ saıtyna silteme jasap. 

Bul týraly advokat «Qazaqstan» ulttyq telearnasyna bergen suhbatynda baıandady.

Aıtýynsha, «Ne molchı KZ» qorynyń jetekshisi Dına Tańsári habarlasyp, tolyq mán-jaıdy aıtyp kómek suraǵan eken.

«Biz Qyzylordaǵa baryp, qyzdyń ózimen jáne anasymen kezdestik. Oryn alǵan oqıǵa boıynsha surap bildik. Biz iske qatysyp bastaǵanymyzda negizgi 3 aıyptalýshyǵa úıqamaq jazasy taǵaıyndalǵan bolatyn. Biraq biz apellııaııalyq shaǵym túsirip, olar sot zalynan qamaqqa alyndy. Qazir bul is boıynsha 5 úkim shyqty. Ol zańdy kúshine endi», – deıdi ol.

Kelesi sot otyrysy qańtar jáne aqpan aıynyń basynda bastalatynyn atap ótti.

«Qalǵan 8 aıyptalýshyǵa qatysty is prokýratýraǵa joldandy. Odan keıin sotqa joldanady. Qańtar aıy nemese aqpan aıynyń basynda sot otyrystary bastalady. Sottalýshylar sany — qazirgi tańda 13 adam. Onyń ishinde beseýi kámelet jasyna tolmaǵan aıyptalýshy bar», – deıdi Gúlaıhan Týrsýmanova.

Advokat jábirlenýshiniń emhanaǵa jatyp, em alyp shyqqanyn aıtty.

«Qorǵaýshym nevrologııalyq emhanaǵa jatyp, em qabyldap jatyr. Sottalýshylardyń arasynda tek bireýi ǵana óziniń kinásin tolyq moıyndap otyr. Istegen isine ókinip, keshirim suraǵan jalǵyz adam sol. Qalǵandary keshirim suramady. Zań boıynsha negizgi aıyptalýshylar kámelet jasqa áli tolmaýyna baılanysty 6 jyldan kóp merzimge sottala almaıdy», – deıdi advokat.