«О́kpesin pnevmonııa basqan, iriń aqqan gaımorıt juqtyrǵan»: Ulttyq ulan komaǵa túsken Erbaıannyń oqıǵasy týraly aıtty

Kollaj: sn.kz

Ulttyq ulan Bas qolbasshysynyń tárbıe jáne áleýmettik-quqyqtyq jumys jónindegi orynbasary Qaırat Úmbetov jaǵdaıy múshkil jatqan sarbaz Erbaıan Muhtarǵa qatysty aqparat aıtty, dep habarlaıdy   qandastar.kz aqparat portaly  Azattyq Rýhy-na silteme jasap.

Bul týraly ol Jastardy qoldaý jónindegi respýblıkalyq keńestiń kezekti otyrysynda baıandady.

«Muhtar Erbaıanǵa qatysty aıtsam. Ol Ulttyq ulan qatarynda qyzmetin atqarý kezinde túngi saǵat 02:00-de uıyqysynan turyp, jyǵylyp qalyp, jaraqat alǵan. Jaraqat alǵannan keıingi qazirgi ahýaly qulaǵannyń saldary emes. Soldat emdelý kezinde ınfekııalyq aýrýǵa dýshar bolǵan. О́kinishke qaraı, emdelý kezinde onyń ókpesin pnevmonııa basqan, qosymsha iriń aqqan gaımorıt juqtyrǵan. Dárigerler keńese otyryp oǵan ota jasaǵan soń osyndaı jaǵdaıǵa dýshar bolyp otyr», – dedi ol.

Áskerı qyzmetshi súıek-mı jaraqatyn alǵan. Erbaıan Muhtar ótken jyldyń jeltoqsan aıynda komaǵa túsken bolatyn. Áskerı bólimdegiler onyń ájethanada qulap, basyn plıtkaǵa soǵyp alǵanyn aıtyp, bul oqıǵany jazataıym jaǵdaı dep túsindirgen. Alaıda, týystary bul nusqany qabyldamady.