Oqý-aǵartý mınıstrligi muǵalimderge mańyzdy eskertý jasady

Oqý-aǵartý mınıstrligi messendjerler men áleýmettik jelilerde «Pedstart» atty olımpıadasynyń aqyly negizde ótkiziletini jóninde aqparatqa resmı túsinik berdi, dep habarlady Qandastar.kz.

«Qazaqstan Respýblıkasy Oqý-aǵartý mınıstrligi  «Pedstart»  olımpıadasyn  uıymdastyrýǵa jáne ótkizýge eshqandaı qatysy joq ekenin resmı túrde málimdeımiz.

Atalǵan aqparat shyndyqqa janaspaıdy. Al Mınıstrliktiń fırmalyq blankin zańsyz paıdalanyp, jalǵan habarlama taratqan tulǵalardyń áreketi – zańǵa qaıshy.

Osyǵan oraı, bilim berý uıymdarynyń basshylaryn jáne pedagogıkalyq ujymdardy qyzmetkerler arasynda túsindirý jumystaryn júrgizip, Oqý-aǵartý mınıstrligi usynbaǵan, aqyly ári kúmándi olımpıadalar men baıqaýlarǵa qatysýǵa jol bermeýge shaqyramyz.

Mınıstrlik usynǵan olımpıadalar men baıqaýlardyń tizimi №514 buıryqpen bekitilgen. Tek osy tizimge engizilgen is-sharalar ǵana pedagogterdiń attestaııasy kezinde esepke alynady.

Barshańyzdy abaı bolýǵa shaqyramyz. Osyndaı jaǵdaılar anyqtalǵanda dereý óńirlik bilim berý uıymdaryna nemese Bilim salasynda sapasyn qamtamasyz etý komıtetine habarlasýyńyzdy suraımyz», — dep jazdy vedomstvonyń resmı ókili Mereke Amangeldiqyzy.