«وقۋ اقىسى 2,5 ملن تەڭگە»: الماتىدا شەتەلگە تۇسىرەمىن دەگەن ورتالىققا الدانعان اتا-انالار ەرەۋىلگە شىقتى

فوتو: سكرينشوت

الماتىدا وقۋ ورتالىعىنا الداندىق دەگەن اتا-انالار ەرەۋىلگە شىقتى. بۇل تۋرالى Stan.kz اقپارات اگەنتتىگى حابارلايدى.

الماتىدا قالاسىنداعى شەتەلگە وقۋعا تۇسىرۋمەن اينالىساتىن “Zeyn qoi” ورتالىعىنىڭ الدىنا ءبىر توپ اتا-انا جينالدى. الەۋمەتتىك جەلىدە نارازىلىق اكتسياسىنىڭ ۆيدەوسى تارادى.

ء“بىر جىل بۇرىن ۇلىم Zeyn qoi جارناماسىن كورىپ, شەتەلگە تۇسۋگە دايىندالۋ ءۇشىن وسى مەكتەپكە وقۋعا تۇستىك. بانكتەن نەسيە الىپ, بارلىق سومانى ەكى جىلدا تولەدىك, شارتتارى وسىنداي بولدى. ءبىراز ۋاقىتتان كەيىن ۇيىمنىڭ Foundation سەرتيفيكاتى جوق ەكەنىن بىلدىك, ال وندا ساباق بەرەتىن ۇستازدار ۋنيۆەرسيتەتتى ەندى عانا بىتىرگەن قاراپايىم ستۋدەنتتەر, ياعني ۇستازدىق تاجىريبەسى جوق ەكەنى بەلگىلى بولدى. سونىمەن قاتار ءبىر جىل بويى مۇعالىمدەر مەن كۋراتورلار ەكى-ءۇش اي سايىن اۋىسىپ وتىردى. بىزگە, اتا-انالارعا بالالاردىڭ وقۋى تۋرالى ەشقانداي مالىمەت بەرىلمەدى”, – دەيدى نارازى اتا-انالاردىڭ ءبىرى ءوز جازباسىندا.

اتا انالار وسىدان 6 اي بۇرىن ورتالىقتىڭ باسشىسى بارلىق ماسەلەلەردى شەشۋگە ءسوز بەرگەنىن ايتادى.

“التى اي بۇرىن سەرىكتەستىكتىڭ نەگىزىن قالاۋشى داۋلەت تۇيمەباي اتا-انالاردىڭ بارلىق نارازىلىعى مەن ارىز-شاعىمدارىنا جاۋاپ بەرىپ, وقىتۋ دەڭگەيىن كوتەرۋگە جانە بارلىق سەرتيفيكاتتاردى بەرۋگە ۋادە بەردى. ودان ءارى وقىعىسى كەلمەيتىندەرگە اقشانى قايتارۋعا ۋادە بەردى. بىراق اتا-اناسى ەشقاشان اقشاسىن قايتارمادى.

قازىر ماۋسىم ايىنىڭ باسىنان بەرى ساباق مۇلدەم توقتاپ قالدى. بەلگىلى بولعانداي, مۇعالىمدەر بىرنەشە اي بويى جالاقى الماعان سوڭ, جۇمىستى توقتاتقان. ال كومپانيا جاڭا بالالاردى الۋدى جالعاستىرۋدا. كوپتەگەن اتا-انالار سوتقا جۇگىندى. بىراق ءىس ءبىر ورىندا تۇر. جۇزدەگەن بالا مەن اتا-انالار قازىر مۇلدەم ابدىراپ قالدى. بارلىعى دەرلىك نەسيە العان, سونىڭ ىشىندە مەن دە بارمىن. نەسيە بويىنشا تولەمدەر جالعاسۋدا, بىراق ءبىلىم الىپ جاتقان جوقپىز. بەلگىلى ءبىر سەبەپتەرمەن وقۋ اقىسى دا ءارتۇرلى, ءبىر بالانى وقىتۋ ءۇشىن 1,2 ميلليوننان 2,5 ميلليونعا دەيىن العان”, – دەلىنگەن جازبادا.

الماتى پوليتسيا دەپارتامەنتىنىڭ مالىمەتىنشە, قازىر بۇل ىسپەن قۇقىق قورعاۋ ورگاندارى اينالىسىپ جاتىر. بۇل ورتالىققا قاتىستى پوليتسياعا 100-گە جۋىق ارىز تۇسكەن.

«بىرنەشە رەت جاسالعان اسا ءىرى كولەمدەگى الاياقتىق فاكتىسى بويىنشا بارلىق ەپيزودتار ءبىر ىسكە بىرىكتىرىلىپ, قىلمىستىق ءىس قوزعالدى, ونىڭ قورىتىندىسى بويىنشا پروتسەسسۋالدىق شەشىم قابىلدانادى», – دەدى الماتى قالالىق ءىىد رەسمي وكىلى سالتانات ازىربەك.

ەسكە سالساق, بۇعان دەيىن الماتىدا شەتەلدە جۇمىسقا ورنالاستىرۋمەن اينالىساتىن كومپانياعا الدانعان ءبىر توپ تۇرعىن شۋ شىعارعان ەدى.