«Oqý aqysy 2,5 mln teńge»: Almatyda shetelge túsiremin degen ortalyqqa aldanǵan ata-analar ereýilge shyqty

Foto: skrınshot

Almatyda oqý ortalyǵyna aldandyq degen ata-analar ereýilge shyqty. Bul týraly Stan.kz aqparat agenttigi habarlaıdy.

Almatyda qalasyndaǵy shetelge oqýǵa túsirýmen aınalysatyn “Zeyn qoi” ortalyǵynyń aldyna bir top ata-ana jınaldy. Áleýmettik jelide narazylyq akııasynyń vıdeosy tarady.

“Bir jyl buryn ulym Zeyn qoi jarnamasyn kórip, shetelge túsýge daıyndalý úshin osy mektepke oqýǵa tústik. Bankten nesıe alyp, barlyq somany eki jylda tóledik, sharttary osyndaı boldy. Biraz ýaqyttan keıin uıymnyń Foundation sertıfıkaty joq ekenin bildik, al onda sabaq beretin ustazdar ýnıversıtetti endi ǵana bitirgen qarapaıym stýdentter, ıaǵnı ustazdyq tájirıbesi joq ekeni belgili boldy. Sonymen qatar bir jyl boıy muǵalimder men kýratorlar eki-úsh aı saıyn aýysyp otyrdy. Bizge, ata-analarǵa balalardyń oqýy týraly eshqandaı málimet berilmedi”, – deıdi narazy ata-analardyń biri óz jazbasynda.

Ata analar osydan 6 aı buryn ortalyqtyń basshysy barlyq máselelerdi sheshýge sóz bergenin aıtady.

“Alty aı buryn seriktestiktiń negizin qalaýshy Dáýlet Túımebaı ata-analardyń barlyq narazylyǵy men aryz-shaǵymdaryna jaýap berip, oqytý deńgeıin kóterýge jáne barlyq sertıfıkattardy berýge ýáde berdi. Odan ári oqyǵysy kelmeıtinderge aqshany qaıtarýǵa ýáde berdi. Biraq ata-anasy eshqashan aqshasyn qaıtarmady.

Qazir maýsym aıynyń basynan beri sabaq múldem toqtap qaldy. Belgili bolǵandaı, muǵalimder birneshe aı boıy jalaqy almaǵan soń, jumysty toqtatqan. Al kompanııa jańa balalardy alýdy jalǵastyrýda. Kóptegen ata-analar sotqa júgindi. Biraq is bir orynda tur. Júzdegen bala men ata-analar qazir múldem abdyrap qaldy. Barlyǵy derlik nesıe alǵan, sonyń ishinde men de barmyn. Nesıe boıynsha tólemder jalǵasýda, biraq bilim alyp jatqan joqpyz. Belgili bir sebeptermen oqý aqysy da ártúrli, bir balany oqytý úshin 1,2 mıllıonnan 2,5 mıllıonǵa deıin alǵan”, – delingen jazbada.

Almaty polıııa departamentiniń málimetinshe, qazir bul ispen quqyq qorǵaý organdary aınalysyp jatyr. Bul ortalyqqa qatysty polıııaǵa 100-ge jýyq aryz túsken.

«Birneshe ret jasalǵan asa iri kólemdegi alaıaqtyq faktisi boıynsha barlyq epızodtar bir iske biriktirilip, qylmystyq is qozǵaldy, onyń qorytyndysy boıynsha proessýaldyq sheshim qabyldanady», – dedi Almaty qalalyq IID resmı ókili Saltanat Ázirbek.

Eske salsaq, buǵan deıin Almatyda shetelde jumysqa ornalastyrýmen aınalysatyn kompanııaǵa aldanǵan bir top turǵyn shý shyǵarǵan edi.