وقۋ جىلىنىڭ اياقتالۋى: ءىىم تۇلەكتەرگە ۇندەۋ جاسادى

قۇرمەتتى اتا-انالار مەن تۇلەكتەر! 25 مامىردا ەلىمىزدىڭ بارلىق مەكتەبىندە وقۋ جىلىنىڭ اياقتالۋىنا ارنالعان سىنىپ ساعاتتارى وتكىزىلەدى. سالتاناتتى ءىس-شارالار بارىسىندا پوليتسيا ورگاندارى قوعامدىق ءتارتىپ پەن جول قاۋىپسىزدىگىن قامتاماسىز ەتۋ بويىنشا بارلىق شارالاردى قابىلدايتىن بولادى. ىشكى ىستەر ءمينيسترىنىڭ تاپسىرماسى بويىنشا ءاربىر وقۋ ورنىنا جاۋاپتى پوليتسيا قىزمەتكەرى بەكىتىلدى. پاترۋلدىك ناريادتار ءىس-شارالار وتكىزىلەتىن ورىندارعا بارىنشا جاقىن بولادى», – دەلىنگەن حابارلامادا.

ءىىم مالىمەتىنشە, سوڭعى جىلدارداعى تاجىريبەگە سۇيەنسەك, مەكتەپتەردەگى «سوڭعى قوڭىراۋلار» اياقتالعاننان كەيىن اتا-انالاردىڭ رۇقساتىمەن كوپتەگەن تۇلەكتەر ءىس-شارالاردى ءوز بەتىنشە جالعاستىرادى. وكىنىشكە قاراي, جاسوسپىرىمدەردىڭ كولىك تىزگىندەۋى قايعىلى وقيعالارعا اكەلىپ جاتادى.

بىلتىر مۇنداي دەرەكتەر جامبىل, اتىراۋ وبلىستارى مەن الماتىدا بولعان. ودان بولەك, اتا-انالاردىڭ باقىلاۋىنسىز بالالار تىيىم سالىنعان جەرلەردە سۋعا ءتۇسىپ جاتادى. بىلتىر اقمولا, ماڭعىستاۋ جانە اتىراۋ وبلىستارىنداعى سۋ ايدىندارىنىڭ شومىلۋعا جابدىقتالماعان جەرلەرىندە جاسوسپىرىمدەردىڭ سۋعا كەتۋ جاعدايلارى تىركەلگەنى ايتىلدى.

«وسىنى ەسكەرە وتىرىپ, اتا-انالار مەن تۇلەكتەردى مىنەز-ق ۇلىقتىڭ قاجەتتى نورمالارى مەن ەرەجەلەرىن ساقتاۋعا شاقىرامىز. قۇقىق بۇزۋشىلىقتار انىقتالعان جاعدايدا دەرەۋ 102 ارناسىنا, ال توتەنشە جاعدايلار تۋىنداعان كەزدە 112 نومىرىنە حابارلاسۋدى سۇرايمىز», – دەدى دەپارتامەنت باستىعى – ءىىم رەسمي وكىلى شىڭعىس الەكەشەۆ.