Jańalyqtar
Oqý jylynyń aıaqtalýy: IIM túlekterge úndeý jasady
![](https://qandastar.kz/wp-content/uploads/2024/05/IMG_6213-780x405.jpeg)
Qurmetti ata-analar men túlekter! 25 mamyrda elimizdiń barlyq mektebinde oqý jylynyń aıaqtalýyna arnalǵan synyp saǵattary ótkiziledi. Saltanatty is-sharalar barysynda polıııa organdary qoǵamdyq tártip pen jol qaýipsizdigin qamtamasyz etý boıynsha barlyq sharalardy qabyldaıtyn bolady. Ishki ister mınıstriniń tapsyrmasy boıynsha árbir oqý ornyna jaýapty polıııa qyzmetkeri bekitildi. Patrýldik narıadtar is-sharalar ótkiziletin oryndarǵa barynsha jaqyn bolady», – delingen habarlamada.
IIM málimetinshe, sońǵy jyldardaǵy tájirıbege súıensek, mektepterdegi «sońǵy qońyraýlar» aıaqtalǵannan keıin ata-analardyń ruqsatymen kóptegen túlekter is-sharalardy óz betinshe jalǵastyrady. О́kinishke qaraı, jasóspirimderdiń kólik tizgindeýi qaıǵyly oqıǵalarǵa ákelip jatady.
Byltyr mundaı derekter Jambyl, Atyraý oblystary men Almatyda bolǵan. Odan bólek, ata-analardyń baqylaýynsyz balalar tyıym salynǵan jerlerde sýǵa túsip jatady. Byltyr Aqmola, Mańǵystaý jáne Atyraý oblystaryndaǵy sý aıdyndarynyń shomylýǵa jabdyqtalmaǵan jerlerinde jasóspirimderdiń sýǵa ketý jaǵdaılary tirkelgeni aıtyldy.
«Osyny eskere otyryp, ata-analar men túlekterdi minez-qulyqtyń qajetti normalary men erejelerin saqtaýǵa shaqyramyz. Quqyq buzýshylyqtar anyqtalǵan jaǵdaıda dereý 102 arnasyna, al tótenshe jaǵdaılar týyndaǵan kezde 112 nómirine habarlasýdy suraımyz», – dedi departament bastyǵy – IIM resmı ókili Shyńǵys Alekeshev.