جاڭالىقتار
وقۋشى قىزدى جەزوكشەلىكپەن اينالىسۋعا ماجبۇرلەگەن: مينيستر جاعدايعا قاتىستى پىكىر ءبىلدىردى
فوتو: Halyq Uni
سىنىپتاستارى جەزوكشەلىكپەن اينالىسۋعا ماجبۇرلەگەن قىزىلوردالىق وقۋشىنىڭ ىسىنە قاتىستى وقۋ-اعارتۋ ءمينيسترى عاني بەيسەمباەۆ پىكىر ءبىلدىردى, دەپ حابارلايدى Ozgeris.Info.
مينيستر ءوز مالىمدەمەسىندە تەرگەۋ جالعاسىپ جاتقانىن العا تارتىپ, حالىقتى ءوز بەتىنشە قورىتىندى جاساماۋعا شاقىردى.
«بۇل سۇراق مەنىڭ باقىلاۋىمدا. مەن وبلىس باسشىلىعىمەن جاعدايدى تالقىلادىم. تەرگەۋ ءالى اياقتالعان جوق جانە ءبىز شىدامدى بولۋىمىز كەرەك. جەلىدە پايدا بولعان كەيبىر اقپارات شىندىققا جاناسپايدى. سوندىقتان شەشىم قابىلداماس بۇرىن تەرگەۋدىڭ اياقتالۋىن كۇتەيىك. مەنىڭ ويىمشا, اسىقپاۋ كەرەك, ويتكەنى ءاربىر اقپاراتتىڭ ارتىندا ادامنىڭ تاعدىرى تۇر. تەكسەرىلمەگەن دەرەككە سۇيەنىپ, اسىعىس شەشىم قابىلداساق, ءبىز بىرەۋدىڭ ءومىرىن قۇرتۋىمىز مۇمكىن», — دەدى عاني بەيسەمباەۆ.
بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆا دا مەرزىمىنەن بۇرىن قورىتىندى جاساۋ دۇرىس ەمەس دەپ ەسەپتەيدى. ول بارلىق قاتىسۋشى ورگاندار قاجەتتى شارالاردى قابىلداۋ ءۇشىن بۇل ءىستى مۇقيات زەرتتەيتىنىن اتاپ ءوتتى.
