Oqýshy qyzdy jezókshelikpen aınalysýǵa májbúrlegen: mınıstr jaǵdaıǵa qatysty pikir bildirdi

Foto: Halyq Uni

Synyptastary jezókshelikpen aınalysýǵa májbúrlegen qyzylordalyq oqýshynyń isine qatysty Oqý-aǵartý mınıstri Ǵanı Beısembaev pikir bildirdi, dep habarlaıdy Ozgeris.Info.

Mınıstr óz málimdemesinde tergeý jalǵasyp jatqanyn alǵa tartyp, halyqty óz betinshe qorytyndy jasamaýǵa shaqyrdy.

«Bul suraq meniń baqylaýymda. Men oblys basshylyǵymen jaǵdaıdy talqyladym. Tergeý áli aıaqtalǵan joq jáne biz shydamdy bolýymyz kerek. Jelide paıda bolǵan keıbir aqparat shyndyqqa janaspaıdy. Sondyqtan sheshim qabyldamas buryn tergeýdiń aıaqtalýyn kúteıik. Meniń oıymsha, asyqpaý kerek, óıtkeni árbir aqparattyń artynda adamnyń taǵdyry tur. Tekserilmegen derekke súıenip, asyǵys sheshim qabyldasaq, biz bireýdiń ómirin qurtýymyz múmkin», — dedi Ǵanı Beısembaev.

Balalardyń quqyqtaryn qorǵaý komıtetiniń tóraǵasy Nasymjan Ospanova da merziminen buryn qorytyndy jasaý durys emes dep esepteıdi. Ol barlyq qatysýshy organdar qajetti sharalardy qabyldaý úshin bul isti muqııat zertteıtinin atap ótti.