جاڭالىقتار
“وقۋشى ۇلعا جابىسقان”: ءانشى الماس كىشكەنباەۆ پوليتسياعا جەتكىزىلدى
فوتو: اشىش دەرەككوز
الماتىدا پوليتسەيلەر 17 جاستاعى بالانىڭ ارىزىنا قاتىستى تەرگەۋ جۇرگىزىپ جاتىر. 17 جاستاعى ءجاسوسپىرىمنىڭ ايتۋىنشا, 40-قا تاياعان ەر ادام سىراعا تاپسىرىس بەرىپ, سودان كەيىن بىرگە ءىشۋدى ۇسىنعان. اۋەلى بۇل تۋرالى اقپاراتتى جۋرناليست ميحايل كوزاچكوۆ تاراتقان. ونىڭ سوزىنشە, كۇدىكتى ەر ادام – بەلگىلى ءانشى الماس كىشكەنباەۆ. الماتىنىڭ پوليتسيا دەپارتامەنتى بۇل اقپاراتقا قاتىستى پىكىر ءبىلدىردى, دەپ حابارلايدى qandastar.kz Ulysmedia.kz-كە سىلتەمە جاساپ.
ءمان-جاي
كەشە ءتارتىپ ساقشىلارىنا ەر ادامنان ارىز تۇسكەن. ونىڭ سوزىنشە, كامەلەتكە تولماعان ۇلى اراسىندا كۋرەر بولىپ جۇمىس ىستەپ, اقشا تاۋىپ جۇرگەن.
2007 جىلعى بالا كەشكى توعىز شاماسىندا ءۇش بوتەلكە سىرانى جەتكىزۋ تۋرالى تاپسىرىس العان. ول دۇكەنگە كىرىپ, سىرانى الىپ, تاپسىرىس بەرگەن ادامعا اپارىپ بەرگەن. ارتىنشا تۇسىنىكسىز نارسەلەر بولا باستاعان.
17 جاستاعى بالانىڭ سوزىنشە, سىراعا 40 جاستاعى ەر ادام تاپسىرىس بەرگەن. تاپسىرىس بەرۋشى الكوگولدى الىپ, ارتىنشا كۋرەرگە بىرگە وتىرىپ ءىشۋدى ۇسىنعان. ودان بولەك, ەر ادام كامەلەتكە توماعان بالانىڭ ينتيمدىك جەرلەرىنەن ۇستاماق بولعان. كۋرەر بىردەن ءوز ۇيىنە كەتىپ قالىپ, ءبارىن اكەسىنە ايتىپ بەرگەن. ال اكەسى بۇل جايت تۋرالى پوليتسەيلەرگە حابارلاعان. پوليتسەيلەر تەكسەرىس جۇرگىزۋ ءۇشىن پاتەرگە بارىپ, تاپسىرىس بەرگەن ادامدى بولىمشەگە الىپ كەتكەن. كۇدىكتىنىڭ اتى – الماس كىشكەنباەۆ, دەيدى ميحايل كوزاچكوۆ تەلەگرام ارناسىندا.
پوليتسيا نە دەيدى
وقيعانىڭ ءمان-جايىن Ulysmedia.kz تىلشىسى پوليتسيادان سۇراپ ءبىلدى.
اكەسىنىڭ كامەلەتكە تولماعان ۇلىنا جابىسقانى تۋرالى بويىنشا تەكسەرۋ جۇرگىزىلەدى. پوليتسياعا بارلىق ءمان-جايلاردى انىقتاۋ ءۇشىن ك. ەسىمدى ازامات جەتكىزىلدى, – دەيدى پوليتسيا دەپارتامەنتىنىڭ رەسمي وكىلى سالتانات ازىربەك.
Ulysmedia.kz ءتىلشىسى قوڭىراۋ شالعانىمەن, ءانشىنىڭ ۇيالى تەلەفونى ءوشىپ جاتتى.
