جاڭالىقتار
وقۋشىلار مەن كوللەدج ستۋدەنتتەرى قوعامدىق كولىكپەن تەگىن جۇرەدى
قوعامدىق كولىكپەن تەگىن ءجۇرۋ ءۇشىن ستۋدەنتتەر كۇندىزگى وقۋ بولىمىندە ءبىلىم الۋى ءتيىس, دەپ حابارلايدى qandastar.kz.
جەتىسۋ وبلىستىق ءماسليحاتىنىڭ شەشىمىمەن تالدىقورعاندا ءبىلىم الاتىن مەكتەپ وقۋشىلارى مەن كوللەدج ستۋدەنتتەرىنە قوعامدىق كولىكپەن تەگىن ءجۇرۋ قۇقىعى بەرىلەدى. شەشىم جوباسى اشىق نقا پورتالىندا قوعامدىق تالقى ءۇشىن جاريالاندى.
«تالدىقورعان قالاسىنىڭ ورتا ءبىلىم بەرۋ ۇيىمدارىنىڭ ءبىرىنشى جانە ون ءبىرىنشى سىنىپتاردى قوسا العانداعى وقۋشىلارىنا, تالدىقورعان قالاسىنىڭ كوللەدجدەرىنىڭ كۇندىزگى وقۋ نىسانىنداعى ستۋدەنتتەرى تالدىقورعان قالاسىندا قوعامدىق كولىكتە (تاكسيدەن باسقا) تەگىن جول ءجۇرۋدى ەلەكتروندى دەربەستەندىرىلگەن جول ءجۇرۋ قۇجاتتارى ارقىلى قامتاماسىز ەتىلسىن» دەلىنگەن شەشىمنىڭ جوباسىندا.
قۇجات جوباسىن تالقىلاۋعا 16 شىلدەگە دەيىن قاتىسۋعا بولادى.
