وقۋشىلاردى مەكتەپتەن مەكتەپكە اۋىستىرۋ ەGov-تا قولجەتىمدى بولدى

كوللاج: Turkystan.kz
اتا-انالار مەن زاڭدى وكىلدەر بالانى ءبىر مەكتەپتەن ەكىنشى مەكتەپكە اۋىستىرۋدى eGov.kz پورتالى ارقىلى جۇزەگە اسىرا الادى, دەپ حابارلايدى Qandastar.kz.

وندا تۇرعىلىقتى جەرى بويىنشا نەمەسە ودان تىس كەز كەلگەن ءبىلىم بەرۋ ۇيىمىن تاڭداپ, ءوتىنىشتى ەلەكتروندى تۇردە بەرۋگە مۇمكىندىك بار.

بۇل قىزمەت ەسەپتەن شىعارۋ جانە بەكىتۋ تالوندارىن, سونداي-اق جەكە ءىس قۇجاتتارىن تاپسىرۋدى تالاپ ەتپەيدى. ءوتىنىش بەرۋشى وقۋ ءتىلىن تاڭداپ, قاجەت بولسا, ءوتىنىشىن قايتارىپ الا الادى.

قىزمەتتى الۋ ءۇشىن:

• eGov.kz پورتالىندا تىركەلۋ;

• «ءبىلىم» → «ورتا ءبىلىم» بولىمىندە «بالالاردى مەكتەپتەن مەكتەپكە اۋىستىرۋ» قىزمەتىن تاڭداۋ;

• ءوتىنىشتى تولتىرىپ, ەتسق كومەگىمەن قول قويۋ;

• ناتيجەمەن جەكە كابينەتتە تانىسۋ كەرەك.