Oqýshylardy mektepten mektepke aýystyrý eGov-ta qoljetimdi boldy

Kollaj: Turkystan.kz
Ata-analar men zańdy ókilder balany bir mektepten ekinshi mektepke aýystyrýdy eGov.kz portaly arqyly júzege asyra alady, dep habarlaıdy Qandastar.kz.

Onda turǵylyqty jeri boıynsha nemese odan tys kez kelgen bilim berý uıymyn tańdap, ótinishti elektrondy túrde berýge múmkindik bar.

Bul qyzmet esepten shyǵarý jáne bekitý talondaryn, sondaı-aq jeke is qujattaryn tapsyrýdy talap etpeıdi. О́tinish berýshi oqý tilin tańdap, qajet bolsa, ótinishin qaıtaryp ala alady.

Qyzmetti alý úshin:

• eGov.kz portalynda tirkelý;

• «Bilim» → «Orta bilim» bóliminde «Balalardy mektepten mektepke aýystyrý» qyzmetin tańdaý;

• О́tinishti toltyryp, EQ kómegimen qol qoıý;

• Nátıjemen Jeke kabınette tanysý kerek.