ءبىلىم
وقۋشىلاردىڭ تاماقتانۋ ستاندارتى بەكىتىلدى
فوتو: اشىق دەرەككوز
بيىل ءبىلىم بەرۋ ۇيىمدارىندا تاماقتانۋدىڭ جاڭا ستاندارتى قابىلداندى, ول 2025 جىلعى 1 قىركۇيەكتەن باستاپ قولدانىسقا ەنگىزىلەدى, دەپ حابارلايدى qandastar.kz
تاماقتانۋ ستاندارتىنىڭ باستى ارتىقشىلىعى – تۇزدى, قانتتى جانە مايدى تۇتىنۋدى ازايتۋ, كوكونىستەر مەن جەمىستەردى تۇتىنۋدى ارتتىرۋ جانە مازىردەن تابيعي ەمەس تاعامداردى الىپ تاستاۋ.
قۇرامىندا قانتى بار سۋسىندار مەن شىرىندار گازدالماعان سۋعا, سۇتكە, اشىتىلعان ءسۇتتى سۋسىندارعا, جەمىس شايلارىنا, كومپوتتارعا, تەرميالىق وڭدەلگەن قانت مولشەرى از جەمىس-جيدەك سۋسىندارىنا الماستىرىلدى.
تاماقتانۋ ستاندارتىندا ەرەكشە ديەتالىق قاجەتتىلىكتەرى بار وقۋشىلاردى/بالالاردى تاماقتاندىرۋ بويىنشا ۇسىنىم بەرىلگەن, سونداي-اق اس بلوكتارى جوق شاعىن جيناقتالعان مەكتەپتەردە تاماقتانۋدى ۇيىمداستىرۋعا قويىلاتىن تالاپتار كوزدەلگەن.
سونىمەن قاتار جەۋگە جارامسىزدىق يندەكسى (تاباق قالدىقتارى) تۇجىرىمداماسى العاش رەت ەنگىزىلدى, بۇل تاماق ىشكەننەن كەيىن تاباقتاردا قالعان تاماق قالدىقتارىنىڭ ۇسىنىلعان تاعامداردىڭ جالپى كولەمىنە قاتىناسىن بىلدىرەدى.
وسىلايشا, تاماقتانۋ ستاندارتىن ەنگىزۋ ءبىلىم بەرۋ ۇيىمدارىندا تاماقتانۋ ساپاسىن جاقسارتۋعا جانە بالالاردىڭ دەنساۋلىعىن جاقسارتۋعا نەگىز بولادى. قازىرگى ۋاقىتتا جاڭا وقۋ جىلى باستالعانعا دەيىن ءبىلىم بەرۋ ۇيىمدارىندا ستاندارتتى دايىنداۋ جانە ەنگىزۋ جوسپارى ازىرلەنۋدە.
