Bilim
Oqýshylardyń tamaqtaný standarty bekitildi

Foto: ashyq derekkóz
Bıyl bilim berý uıymdarynda tamaqtanýdyń jańa standarty qabyldandy, ol 2025 jylǵy 1 qyrkúıekten bastap qoldanysqa engiziledi, dep habarlaıdy qandastar.kz
Tamaqtaný standartynyń basty artyqshylyǵy – tuzdy, qantty jáne maıdy tutynýdy azaıtý, kókónister men jemisterdi tutynýdy arttyrý jáne mázirden tabıǵı emes taǵamdardy alyp tastaý.
Quramynda qanty bar sýsyndar men shyryndar gazdalmaǵan sýǵa, sútke, ashytylǵan sútti sýsyndarǵa, jemis shaılaryna, kompottarǵa, termııalyq óńdelgen qant mólsheri az jemis-jıdek sýsyndaryna almastyryldy.
Tamaqtaný standartynda erekshe dıetalyq qajettilikteri bar oqýshylardy/balalardy tamaqtandyrý boıynsha usynym berilgen, sondaı-aq as bloktary joq shaǵyn jınaqtalǵan mektepterde tamaqtanýdy uıymdastyrýǵa qoıylatyn talaptar kózdelgen.
Sonymen qatar jeýge jaramsyzdyq ındeksi (tabaq qaldyqtary) tujyrymdamasy alǵash ret engizildi, bul tamaq ishkennen keıin tabaqtarda qalǵan tamaq qaldyqtarynyń usynylǵan taǵamdardyń jalpy kólemine qatynasyn bildiredi.
Osylaısha, tamaqtaný standartyn engizý bilim berý uıymdarynda tamaqtaný sapasyn jaqsartýǵa jáne balalardyń densaýlyǵyn jaqsartýǵa negiz bolady. Qazirgi ýaqytta jańa oqý jyly bastalǵanǵa deıin bilim berý uıymdarynda standartty daıyndaý jáne engizý jospary ázirlenýde.