ءبىلىم
وقۋشىلارعا ەدەن جۋعىزىپ, ەڭبەككە باۋلۋ كەرەك – گەننادي شيپوۆسكيح
گەننادي شيپوۆسكيح مەكتەپتەرگە قايتادان كەزەكشىلىكتى ەنگىزۋ كەرەكتىگىن ايتتى.
گەننادي شيپوۆسكيح بۇل تۋرالى 24kz تەلەارناسىنىڭ ارنايى جوبا باعدارلاماسىنا بەرگەن سۇقباتىندا ايتقان, دەپ حابارلادى qandastar.kz
مەكتەپتە وقىعان كەزەڭىن ەسىنە العان دەپۋتات, قازىر وقۋشىلار اراسىندا كەزەكشىلىك دەگەن اتىمەن جوق ەكەنىنە كۇيىندى.
«ءبىز بۇكىل مەكتەپتە ءوز سىنىبىمىزدى ءوزىمىز جۋاتىنبىز. بالا كەزىنەن جاسوسپىرىمدەردى ەڭبەككە باۋلۋ دەگەن بولدى. كەيىنگى ۋاقىتتا مەنىڭشە, ەشقانداي بالاعا ەشكىم ەدەن جۋدىرتپايدى. كەزەكشىلىك دەگەن نارسە جوق. قازىر بالانىڭ قولىنا «ترياپكا» بەرسەڭ «ويباي, مەنىڭ بالامدى ەڭبەككە سالىپ جاتىر, قيناپ جاتىر ەكەن» دەيدى. مەكتەپ جاعىنان ءبىز سوعان قايتىپ كەلسەك دەگەن مەنىڭ ءبىر ويىم بار. بالا كەزىنەن باستاپ وقۋشى ەڭبەككە جاقىن بولادى. ويلارى دا باسقاشا قالىپتاسادى», – دەدى گەننادي شيپوۆسكيح.
