Oqýshylarǵa eden jýǵyzyp, eńbekke baýlý kerek – Gennadıı Shıpovskıh

Gennadıı Shıpovskıh mektepterge qaıtadan kezekshilikti engizý kerektigin aıtty.

Gennadıı Shıpovskıh bul týraly 24kz telearnasynyń Arnaıy joba baǵdarlamasyna bergen suqbatynda aıtqan, dep habarlady qandastar.kz

Mektepte oqyǵan kezeńin esine alǵan depýtat, qazir oqýshylar arasynda kezekshilik degen atymen joq ekenine kúıindi.

«Biz búkil mektepte óz synybymyzdy ózimiz jýatynbyz. Bala kezinen jasóspirimderdi eńbekke baýlý degen boldy. Keıingi ýaqytta menińshe, eshqandaı balaǵa eshkim eden jýdyrtpaıdy. Kezekshilik degen nárse joq. Qazir balanyń qolyna «trıapka» berseń «oıbaı, meniń balamdy eńbekke salyp jatyr, qınap jatyr eken» deıdi. Mektep jaǵynan biz soǵan qaıtyp kelsek degen meniń bir oıym bar. Bala kezinen bastap oqýshy eńbekke jaqyn bolady. Oılary da basqasha qalyptasady», – dedi Gennadıı Shıpovskıh.