ءبىلىم
وقۋشىلارعا ساباق بەرگەن 93 جاستاعى كەيۋانا كوپشىلىكتى ءتانتى ەتتى
فوتو:ۆيدەو سكرين
الەۋمەتتىك جەلىدە باتىس قازاقستاندىق 93 جاستاعى مۇعالىمنىڭ ۆيدەوسى كوپشىلىكتى ءتانتى ەتتى. ۆيدەودا كەيۋانا تاقتاعا شىعىپ ەسەپ فورمۋلالارىن تۇسىندىرگەن, دەپ جازدى qandastar.kz
بەينەجازبانىڭ سيپاتتاماسىندا بۇل 93 جاستاعى سىنىپ جەتەكشى نازيا گۋبايدوللاقىزى ەكەندىگى ايتىلعان. ول سول كەزدە ءوزىنىڭ مەكتەپتى بىتىرگەنىنە 40 جىل تولۋىنا وراي جينالعان ەرەسەك وقۋشىلارىنا ساباق بەرگەن.
سونىمەن قاتار كەيۋانانىڭ قىزى اناسىنىڭ نەمەرەلەرىن ۇبت-عا دايىنداۋعا كومەكتەسكەنىن جانە ونىڭ كۇش-جىگەرىنىڭ ارقاسىندا بالالاردىڭ بارلىعىنىڭ گرانتقا تۇسكەنىن ايتادى.
جەلى پايدالانۋشىلار وزدەرىنىڭ تاڭدانىسىن جاسىرمادى. ولار ۇستازدىڭ ەستە ساقتاۋ قابىلەتىنە ءتانتى بولدى. بەينە استىندا ادامدار مۇعالىمگە ۇزاق ءومىر تىلەدى.
