Oqýshylarǵa sabaq bergen 93 jastaǵy keıýana kópshilikti tánti etti

Foto:vıdeo skrın

Áleýmettik jelide Batys Qazaqstandyq 93 jastaǵy muǵalimniń vıdeosy kópshilikti tánti etti. Vıdeoda keıýana taqtaǵa shyǵyp esep formýlalaryn túsindirgen, dep jazdy qandastar.kz

Beınejazbanyń sıpattamasynda bul 93 jastaǵy synyp jetekshi Nazııa Gýbaıdollaqyzy ekendigi aıtylǵan. Ol sol kezde óziniń mektepti bitirgenine 40 jyl tolýyna oraı jınalǵan eresek oqýshylaryna sabaq bergen.

Sonymen qatar keıýananyń qyzy anasynyń nemerelerin UBT-ǵa daıyndaýǵa kómekteskenin jáne onyń kúsh-jigeriniń arqasynda balalardyń barlyǵynyń grantqa túskenin aıtady.

Jeli paıdalanýshylar ózderiniń tańdanysyn jasyrmady. Olar ustazdyń este saqtaý qabiletine tánti boldy. Beıne astynda adamdar muǵalimge uzaq ómir tiledi.