Oqysta ulynan aıyrylǵan ana Beıbit Álibekovti sottaý keregin aıtty

Foto: ulusmedia

Kásipker Beıbit Álibekovtiń kóligimen kontent túsiremin dep ajal qushqan Batyrhan Erjannyń anasy tergeýdiń uzaqqa sozylǵanyna shaǵymdandy. Áıeldiń aıtýynsha, balasyna kóligin bergen kásipker Beıbit Álibekovti de jaýapqa tartý kerek. Bul týraly qandastar.kz aqparat portaly 31-arnanyń “Informbıýro” baǵdarlamasyna silteme jasap habarlaıdy.

Marqumnyń týystary quzyrly organnyń oqıǵaǵa qatysty qozǵaǵan qylmystyq isine de kóńili tolmaıdy. Olar ólimge ákelgen jaıtty abaısyzda emes, qasaqana jasalǵan qylmys retinde qaraýdy talap etip otyr. Odan bólek, jas jigitke qyzyl temir tulparyn bergen Beıbit Álibekovtiń ózi de jaýapkershilikke tartylsyn deıdi anasy.

Aıta keteıik, 22 jastaǵy jigit Batyrhan Erjan byltyr 29 qazanda zymyraǵan kólikten jaqyndaı bergen sátte ústinen sekirip ótýge tyrysqan. Osylaısha qaýipti trıýk jasap, áleýmettik jelide eldi tánti qylar vıdeo túsirgisi kelgen kórinedi. Alaıda kásipker bergen qyzyl júırik jigitti soǵyp ótip, jas bloger tiri qalýy múmkin emes jaraqat aldy.

Marqumnyń anasy oqıǵadan beri 2 aı ótkenin jáne isti tergeýge polıeıler áli naqty shara qabyldamaǵanyn aıtady. Dámetken Áýbákirovanyń aıtýynsha, kólik rólinde bolǵan júrgizýshini kúdikti dep tanyǵanmen ony qamaýǵa da almaǵan.

«Balamnyń ólimin qasaqana jasalǵan qylmys retinde tergeýin talap etemin. О́ıtkeni 45 jastaǵy er adam qaýipti túsine tura joǵary jyldamdyqpen júrdi. Toqtaǵan joq. Osylaısha aldynda turǵan adamdy qaǵyp ótti. Bul abaısyzda jasalǵan áreket deýge kelmeıdi. Sosyn balamnyń qaýipti iske baratynyn túsinse de, kóligin bergen kásipker Beıbit Álibekov te zań aldynda jaýap bersin!» – dedi marqumnyń anasy.

Jigittiń jaqyndarynyń aıtýynsha, rólde bolǵan júrgizýshi de – kásipkerdiń shopyry. Beıbit Álibekov bul sózdi joqqa shyǵarmady.

«Basynda uzaq ýaqyt boıy kólikti berýden bas tartyp júrdim. Biraq ol jigit izimnen qalmaı, qaıtken kúnde de mashınany alýdyń amalyn jasady. Sońynda meniń ulym arqyly baılanysqa shyqty. Sóıtip kólikti berdim. Alaıda onyń mundaı tym qaýipti áreketke baratynyn bilmedim. Olar avtodromda júrgende qasynda bolmadym. Árıne, týystarynyń narazylyǵyn túsinemin. Ońaı emes. Istiń anyǵyn tergeý sheshedi», – dedi kásipker Beıbit Álibekov.

Al Almaty oblysy polıııasy qazir oqıǵany áli zerttep jatyr. Is ázirge abaısyzda qazaǵa ushyratý faktisi boıynsha tergelip jatyr.