«ول ايەلدى ۇراتىن اسحانا باتىرى!»: زاڭگەر قازاق باپكەرىنىڭ بىلىعىن اشكەرەلەدى

جەلىدە پاريج وليمپياداسىندا تۋنيسكە التىن مەدال الىپ بەرگەن قازاق باپكەرى ەسبول سۇلتانوۆتىڭ ەرسى ارەكەتى تۇسىرىلگەن ۆيدەو تۋرالى تارادى. بەلگىلى زاڭگەر ايگۇل ورىنبەكتىڭ جازۋىنشا, ول «ايەلدى ۇراتىن اسحانا باتىرى», دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.

«تۋنيس سپورتشىسىنا التىن الىپ بەرگەن قازاق باپكەرى!

بۇل جىگىت ەلدە جۇرگەن كەزدە قانشاما تالانتى جىگىتتەر سپورتتان بەزىپ كەتكەن! ءتىپتى ءوزىنىڭ قاتەلىگىن ايتقان اتا-انالاردى ۇرىپ, سوت الدىندا جاۋاپ بەرگەن. ءتىپتى ۇلتتىق قۇرامادا جۇرگەندە دە ناتيجە كورسەتپەگەن. سەبەبى ونىڭ نيەتى تەك اقشا بولدى. شەت ەلگە دە سول اقشا ءۇشىن كەتتى دەگەن ويدامىن. ونى باتىر قىلۋدى دوعارىڭدار! ول ايەل ادامدى ۇراتىن, اسحانا باتىرى!», – دەپ ۆيدەو جاريالادى ايگۇل ورىنبەك.

الگى ۆيدەودان قىزىل كۇرتە كيگەن ەر ازاماتتىڭ ايەلدى يتەرىپ جىبەرگەنى بايقالادى.

ەسكە سالساق, ەسبول سۇلتانوۆ – پاريج وليمپياداسىندا تۋنيس ەلىنە تاەكۆوندادان 2 تاريحي جۇلدە الىپ بەرگەن جاتتىقتىرۋشى. بىلتىردان بەرى باس باپكەر قىزمەتىن اتقارىپ كەلە جاتقان قازاق ازاماتىنىڭ شاكىرتتەرى پاريج وليمپياداسىندا العاش رەت التىن جانە قولا مەدال جەڭىپ الدى.