«ول اقشانى كۇزەتشىگە بەرەمىن»: ماقپال ءجۇنىسوۆا قانشا تەڭگە زەينەتاقى الاتىنىن جاسىرمادى

فوتو: https://www.instagram.com/zhunusova.makpal/

حالىق ءارتىسى ماقپال ءجۇنىسوۆا قانشا تەڭگە زەينەتاقى الاتىنىن ايتتى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

ونەر يەسى بۇگىندە 62 جاسقا تولدى.

“شەشەم 47 جاسىندا اكەمنەن جەسىر قالدى. زاكەڭ قايتقاندا ماعان: “ەندى كۇيەۋگە شىعامىن” دەپ ويلاما. قىزىڭدى ءوسىر. ولمەيسىڭ” دەدى. سول ءسوزى ءالى جادىمدا. ايتپەسە ول كەزدە جاس ەدىم. اياق-قولىم بالعاداي بولىپ, تۇرمىسقا شىعىپ كەتۋشى ەدىم. سويتسەم, ۋاقىت ءوتىپ كەتىپتى. قازىر 62 جاستامىن. زەينەتكە شىقتىم. 210 مىڭ تەڭگە زەينەتاقى الامىن. ۇكىمەتتىڭ 45 جىل ساحنادا جۇرگەن حالىق ارتىسىنە بەرىپ وتىرعان اقشاسى. ونى مەن كۇزەتشىگە تولەيمىن. سوسىن ارىقاراي كۇن كورۋ ءۇشىن تويعا شىعامىن”, – دەدى ءانشى.

ودان كەيىن ءانشى كونتسەرتكە كوپ جينالمايتىن حالىققا رەنىشىن دە ايتىپ قالدى.

“ەرجان بەلعوزيەۆتىڭ كونتسەرتىنە حالىق جينالماي جاتىر دەگەندى ەستىدىم. سودان قاتتى قورىقتىم. ءوزىم وسى كەشكە 4 ساعات كۇتىپ, ەندى شىقتىم. انشىلەر حالىق جاقسى جينالىپ جاتىر دەگەسىن جۇرەگىم ورنىنا ءتۇستى. وسىنى ۋايىمداپ ۇيىقتاي الماپ ەدىم. ارتقى جاق 2000-3000 تەڭگەدەن ساتىلىپتى. وتە جاقسى باعا, حالىققا قلدجەتىمدى دەپ ويلايمىن. 150 مىڭ تەڭگە تولەپ, دجەي لونىڭ كونتسەرتىنە دە باردىڭدار”, – دەدى حالىق ءارتىسى.

ەسكە سالايىق, ماقپال ءجۇنىسوۆا ارىپتەسى ساكەن مايعازيەۆتىڭ تويىنا 1 ميلليون تەڭگە توي شاشۋ بەرگەنىن جاسىرماعان ەدى.