«Ol meni pyshaqtamaq boldy»: Áýejaıda kepilge alynǵan qyz sotta oqıǵany baıandady

Foto: Orda.kz

Almatyda kepilge alynǵan Botagóz Muhtarova sot zalynda kúdiktiniń áreketin egjeı-tegjeıli sıpattap berdi, dep habarlaıdy qandastar.kz Orda.kz-ke silteme jasap.

Almaty halyqaralyq áýejaıynda qyzmetkerdi kepilge alǵan 67 jastaǵy Mashrapbek Baratovqa qatysty sot proesi jalǵasyp jatyr. Oqıǵa kezinde zardap shekken áýejaı qyzmetkeri Botagóz Muhtarova sotta sol kúngi jaǵdaıdy egjeı-tegjeıli aıtyp berdi.

Muhtarovanyń aıtýynsha, bári qarapaıym suraqtan bastalǵan.

«Odan otyrǵyzý talonyn jáne jeke kýáligin suradym. Biraq ol jaqyndap kelip, meni shashymnan tartyp ustady. Sol sátte pyshaǵyn alyp shyqty. Men aıqaılaı bastadym, «shoshyný» bastaldy. Kómek suradym. «О́tinemin, jiberińizshi» dep jalyndym», – dedi jábirlenýshi.

Onyń aıtýynsha, kúdikti óte ashýly bolǵan. Qolyndaǵy pyshaqty sermep, eshkimdi janyna jolatpaǵan. Kómekke kelgenderge de ashýlanyp, aıqaılaı bastaǵan.

«Maǵan aıqaılap: «Únińdi óshir, aıqaılama!» dedi. Eshteńe talap etpedi. Ne qalaıtynyn ózim de túsinbedim», – dep jalǵastyrdy Muhtarova.

Sot otyrysynda jábirlenýshi oqıǵanyń aıaq astynan bolǵanyn atap ótti. Sol sátte qorqynyshtan qozǵala da almaǵanyn, tek betin qolymen jaýyp alǵanyn aıtady.

«Ol meni pyshaqtamaq boldy. Aldymda eki polıeı men meni qutqarǵan bir er adam ǵana boldy. Kúdikti polıeılerge «Jaqyndasańdar, qazir áýejaıdy jaryp jiberemin» dep qorqytty», – dedi jábirlenýshi.

Qyz qatty qoryqqannan, betin qolmen jaýyp alǵanyn aıtty. Jábirlenýshiniń aıtýynsha, er adam eshteńe talap etpegen.

«Bir er adam: «Qyzdy jiber, onyń ornyna meni al» dedi. Men aıqaılap, jylap turdym: «Meniń kishkentaı balam bar, jiberińizshi!..» dep. Qalaı bosatqanyn ózim de esime túsire almaımyn. Bosatqan sátte áriptesim janyma kelip, meni alyp ketti…», – dedi sumdyq kúndi eske alǵan termınal qyzmetkeri.

Sotta Mashrapbek Baratov sotta kinásin ishinara moıyndady. Ol naqty talap  retinde ne aqsha, ne ushaq — qoımaǵanyn aıtyp, sony dáleldeýge tyrysty. Tipti, oqıǵa ornynda oǵan ushaq usynyp kórgende, ol bas tartqanyn aıtty.

Sondaı-aq, ol qylmysty aldyn ala josparlamaǵanyn, áýejaıǵa kezdeısoq tap bolǵanyn jáne qatty kúızelis jaǵdaıynda bolǵanyn aıtty. Onyń aıtýynsha, ózi kúzetshi bolyp jumys isteıdi, alaıda, birneshe aı jalaqy almaı júrgen soń, bul jaıt qylmys jasaýǵa ıtermelegenin jetkizdi.

«Men tańerteń erte úıden shyqtym. Kúzetshi bolyp jumys isteımin. Úsh aıdan beri jalaqy alǵan joqpyn. 8 naýryzǵa deıin birdeńe satyp alamyn dep oıladym. 106-shy avtobýsqa otyryp, úıge qaıtamyn dep oıladym. OLH-qa kirip, jumys izdedim. Áýejaıǵa qalaı jetkenimdi ózim de túsinbeı qaldym. Ishimde ýaıym kóp boldy. Otbasylyq qıyndyqtar mazalady. Áýejaıǵa kirip kettim, ne bolǵanyn bilmeımin. Qolymda 7 myń teńge boldy. Maǵan eshkim kedergi jasaǵan joq. Bir qyzǵa jaqyndaǵanda, ol meni jaǵamnan tartty. Men onyń shashynan qalaı usatp alǵanymdy baıqamaı qaldym. Bir kezde aınalma aıqaı-shýǵa tolyp ketti. Sol arada polıeılerdi kórdim, maǵan oq ata ma dep qoryqtym. Sómkemde ashana pyshaǵy bolǵan edi», – dedi Baratov.

Kúdiktiniń aıtýynsha, ol qyzdy qutqarmaq bolǵan adamǵa eshqandaı qaýip tóndirmegen. Polıeıler ózderi sasqalaqtap, áreketsiz qalǵanyn aıtqan ol, quqyq qorǵaý organdary óz mindetin oryndaýy tıis dep oılaǵanyn jetkizdi. Sonymen qatar, Baratov óz áreketinde pyshaqpen qasaqana shabýyldaý nemese jarylys jasaý nıeti bolmaǵanyn málimdedi.

Sotta Baratov  1981 jyly Aýǵanstan soǵysynda kontýzııa alǵanyn jetkizdi.

«Bas súıegimniń eki jeri synǵan, mıdyń shaqalýy ıaǵnı kontýzııa bar. Kóktem kelse sol jaraqatym maǵan áser etedi. Oǵan qosa qarjylyq qıyndyqtarda meni jep qoıdy», – dedi Baratov.

«Eshqandaı talap qoımadym»

Sýdıa Dastan Álmaǵambetov aıyptalýshynyń óz kýálikterin ishinara ózgertkenine tańdanys bildirdi. Ol Baratovtan kinásin moıyndaı ma dep surady. Aıyptalýshy oń jaýap berdi. Biraq ol tutqyndaǵanda eshqandaı talap qoımaǵanyn aıtty.

Osydan keıin sýdıa úzilis jarııalady. Jaǵdaı shılenise tústi. Sebebi, kepilge alý týraly bap boıynsha qylmysker naqty talap qoıýy qajet. Aıyptalýshynyń advokaty bul bap boıynsha qylmystyq quramnyń joqtyǵyn alǵa tartady, sebebi Baratov talap qoımaǵan.

Sýdıa Dastan Álmaǵambetov sotqa deıingi tergeýdiń qysqa merzimde aıaqtalýyna da dál osy kúdiktiniń kináni tolyq moıyndaǵany sebep bolǵanyn atap ótti. Al endi, eger aıyptalýshy resmı túrde moıyndaýdan bas tartsa, is qosymsha tergeýge jiberilýi múmkin.

Aıyptalýshy Mashrapbek Baratov psıhonevrologııalyq mekemelerde esepte turmaıdy. Bul týraly onyń advokaty Qanat Dúsekov málimdedi. Baratov Aýǵanstandaǵy qyzmeti kezinde kontýzııa alsa da, resmı medıınalyq qujattar men emdelý faktileri joq.

«Onyń eshqandaı aýytqýy joq», — dedi memlekettik qorǵaýshy.

Advokattyń pikirinshe, Baratov kepilge alý qylmysyn jasaǵan joq.

«Munda tek pyshaq qoldanǵan ıaǵnı buzaqylyq áreket ǵana boldy», — dep atap ótti ol.

Aıta keteıik, tergeý málimetinshe, Mashrapbek Baratov qol sómkesinde bomba bar ekenin aıtyp, jolaýshylardy qorqytqan. Ol buǵan deıin de qoǵamdyq orynda áıelge qol kótergeni úshin úıqamaqta otyrǵan. Qazir oǵan úsh bap boıynsha aýyr aıyp taǵylyp otyr: kepilge alý, qarý qoldaný arqyly buzaqylyq jasaý jáne terrorızm aktisi týraly jalǵan habar berý.

Eske sala ketsek, 7 naýryz kúni áýejaıda pyshaq ustap, qyzmetker qyzdy kepilge alǵan adamnyń beınejazbasy  jurttyń jaǵasyn ustatqan bolatyn. Alaıda sol kezde kepilge qyzdyń ornyna ózin alýdy surap, pyshaqty tartyp alyp, tártip buzǵan azamatty ustaǵan qarapaıym azamat  Musa Ábdiraıym ekeni belgili bolǵan edi. Ol Toqaevtyń jarlyǵymen arnaıy medalmen marapattaldy.

Kelesi sot otyrysy 9 sáýirde ótedi. Orda.kz proessi barysyn baqylap otyrady.