«Ol ne aýrý, ne kúnáhar»: Muhamedjan Tazabek úılenbeı júrgenderge qatysty oıyn aıtty

Tanymal aıtysker aqyn, dintanýshy, Qazaqstannyń eńbek sińirgen qaıratkeri Muhamedjan Tazabek úılenbeı júrgen adamdarǵa qatysty pikir bildirdi, dep habarlaıdy qandastar.kz Skifnews.kz aqparat portalyna silteme jasap.

Bul týraly ol óziniń Instagram-daǵy paraqshasyndaǵy vıdeoda aıtty.

“Egir sizdiń densaýlyǵyńyz uryp tursa, jasyńyz jetip tursa, basyńyz bostandyqta bolsa, qarjy-qarajatyńyz jetkilikti bola tura úılenbeý, ol – kúná. Sebebi ǵulamalardan qalǵan “Bir adamnyń osynshama búkil jaǵdaıy bola turyp úılenbese, ol ne aýrý, ne kúnáhar” degen sóz bar. Sondyqtan jaǵdaıyńyzǵa qarańyz.

“Al endi jaǵdaıyńyz jartylaı bolsa, sál sabyrmen kútýge týra keledi. Al úılenýge densaýlyǵyńyz múldem jaramasa, bir adamnyń taǵdyryn qor qylatyndaı bolsańyz, onda sabyr qylyp, Alladan surap, densaýlyǵyńyz túzelgenshe, bireýdi asyraýǵa múmkinshiligińiz jetkenshe sabyr qylasyz”, — dedi Muhamedjan Tazabek.