«ول ءۇيدى اكەم سىيعا تارتقان»: ايەلى مەن بالالارىن ۇيدەن كۇشتەپ قۋىپ شىققان مارات ايتەنوۆ وقيعانىڭ ءمان-جايىن ايتتى

فوتو: ulysmedia.kz

وتباسىن ۇيدەن كۇشتەپ قۋىپ شىقتى دەپ باسى داۋعا قالعان مارات ايتەنوۆ العاش رەت پىكىر ءبىلدىرىپ, سول كۇنى نە بولعانىن ايتىپ بەردى., دەپ حابارلايدى Skifnews.kz اقپارات پورتالى Stan.kz -كە سىلتەمە جاساپ.

شىمكەنتتىڭ ەكس-اكىمىنىڭ اعاسى ايەلى مەن بالالارىنا قول كوتەرمەگەنىن ايتىپ اقتالدى. مارات ايتەنوۆ سوت ورىنداۋشىلار شاقىرتقان سوڭ وقيعا ورنىنا بارۋعا ءماجبۇر بولعانىن ايتادى.

قۇرمەتتى دوستار, مەن ەشقاشان الەۋمەتتىك جەلىلەردى جەكە ماقساتتا پايدالانعان ەمەسپىن. وسى ۋاقىتقا دەيىن «ايەلمەن ۇرىسقانشا, ولگەن جاقسى» دەگەن قاعيدامەن ءومىر ءسۇرىپ كەلدىم. شاماسى, ۋاقىت كەلگەن سياقتى. اقپارات الاڭى بۇرىنعى جۇبايىم دانا اتەشوۆا تاراتقان اقپاراتقا تولدى. بىراق مەن ءوز شىندىعىمدى ايتقىم كەلەدى. كوپشىلىكتى بالا مەن انانىڭ سوققىعا جىعىلۋى جانە “مارات ايتەنوۆ ول جەردە نە ىستەپ ءجۇر?” دەگەن سۇراق مازالايدى. مەن وندا جەكەمەنشىك سوت ورىنداۋشىلاردىڭ تالابى بويىنشا باردىم. ويتكەنى ولار مەنى بالالارىممەن ءتارتىبىمدى قاراپ جاتىر. مەنىڭ تۇسىنۋىمشە, سوتتىڭ ۇيدەن شىعارۋ تۋرالى شەشىمىن ورىندايتىن جەكە سوت ورىنداۋشىسى بالالارمەن سويلەسۋ ءۇشىن باسقا سوت ورىنداۋشىسىن شاقىرادى. ال ول ءوز كەزەگىندە مەنىڭ كەلۋىمدى تالاپ ەتتى, – دەيدى مارات ايتەنوۆ.

ونىڭ ايتۋىنشا, سوت ورىنداۋشىلارى ايتەنوۆكە ءىس جۇزىندە ۋلتيماتۋم قويعان. “بالالارعا فيزيكالىق جانە پسيحولوگيالىق تۇرعىدان قاۋىپ ءتونىپ تۇر. بالالاردىڭ اناسى دا سوت شەشىمىن ورىنداۋدىڭ زاڭدى قىزمەتىنە كەدەرگى كەلتىرگەنى ءۇشىن قىلمىستىق قۋدالاۋعا ۇشىراۋى مۇمكىن. شۇعىل كەلىپ, وسى ماسەلەنى شەشىڭىز” دەپ تالاپ ەتكەن.

مەن ەشكىمدى, اسىرەسە, بالانى, مەيلى ءوزىمنىن نەمەسە وزگەنى بالاسى بولسىن, ۇرعان ەمەسپىن. الەۋمەتتىك جەلىدە تاراعان ۆيدەودان مۇنى انىق كورۋگە بولادى. قىزىمنىڭ مۇرنىنان نە سەبەپتى قان اققانىن سول جەردە جۇرگەن جەدەل جاردەم قىزمەتكەرلەرىنەن سۇراعان دۇرىس بولار. مەنىڭ قاتەلىگىم, سول جەردە بولىپ قانا قويماي, ەموتسياعا بوي الدىرعانىم. مەن ول قاتەلىگىم ءۇشىن 5 تاۋلىككە قامالىپ, جازامدى وتەدىم. الدا قىلمىستىق جازام بار, قازىر تەرگەۋ ءجۇرىپ جاتىر. ال سوت ورىنداۋشىلارىنىڭ جۇمىسىنا كەدەرگى كەلتىرگەن بالالارىمنىڭ اناسىنا قىلمىستىق ءىس قوزعالعان جوق, – دەيدى ايتەنوۆ.

سونداي-اق ول نە سەبەپتى باسى داۋعا قالعانىن باياندادى.

وقيعا ورنىنا بارىپ ىعايسىز جاعدايعا تاپ بولدىم. بارلىق مەملەكەتتىك ورگانداردىڭ وكىلدەرى سول جەردە بولعانىمەن ولاردىڭ تاراپىنان ەشقانداي شارا قولدانىلمادى. ولاردىڭ دارمەنسىز ەكەنىن كورگەن دانا اتەشوۆا زاڭسىز ارەكەتتەرىن توقتاتقان جوق. دانانىڭ ارەكەتتەرىنە توتەپ بەرە المايتىندىقتان ولار بالالاردىڭ اكەسىن, ياعني مەنى “قۇربان ەتەدى”. “سىز بولماساڭىز, بالالاردى كىم قورعايدى?”, “قالايشا بالالارىڭىزدىڭ اناسىن قاۋىپ-قاتەرگە قياسىز?”, “بۇرىنعى ايەلىڭىز بولسا دا, ەر ازاماتتار ونداي قادامعا بارمايدى” دەپ ماعان ىقپال ەتۋگە تىرىستى. وسىلايشا, باسىم داۋعا قالدى, – دەيدى مارات ايتەنوۆ.

ونىڭ ايتۋىنشا, دانا اتەشوۆا كۇشتەپ قۋىلىپ جاتقان ءۇيدى مارات ايتەنوۆتىڭ اكەسى قىزى ەكەۋى تۇرۋى 2017 جىلى ساتىپ العان. قىزى 2018 جىلى تۇرمىسقا شىعىپ كەتكەندىكتەن باسقا بالالارىمەن بىرگە تۇرماق بولادى. ونىڭ بۇل وتىنىشىنە مارات ايتەنوۆ پەن ونىڭ بۇرىنعى ايەلى دانا اتەشوۆا كەلىسەدى. كەيىن اكەسى پاراسات 16 مەكەن جايىندا ورنالاسقان ءۇيدى مارات ايتەنوۆكە سىيعا تاراتادى. بۇل كەزدە ايتەنوۆتىڭ وتباسىندا جانجالدار جيىلەپ ول دانا اتەشوۆامەن اجىراسادى. قۇجاتتا ەكى تاراپتىڭ دا م ۇلىككە تالاسپايتىنى كورسەتىلەدى.

اجىرسقانىمىزعا قاراماستان مەن دانانىڭ دا, بالالاردىڭ دا قاجەتتىلىگىن وتەي بەرەمىن. كەيىن دانامەن جانە بالالارمەن ارا قاتىناسىمىزدى رەتتەۋ تۋرالى بۇرىنعى ايەلىممەن سويلەسپەك بولامىن. وسى رەتتە وعان ءۇيدى ساتىپ, سول اقشاعا ەكەۋىمىزگە بولەك پاتەر ساتىپ الۋدى ۇسىنامىن. بىراق دانا بۇل ۇسىنىسىما جاۋاپ بەرمەدى. 2021 جىلى داناعا ءۇيدى مەنىمەن بولىسىكى كەلمەسە ءوز اتىنا اۋدارىپ الۋدى ۇسىندىم. بۇل تۋرالى ونىڭ اعاسى دوسىم اتەشوۆكە دە ايتتىم. مۇنىما دا جاۋاپ بەرگەن جوق. العاشىندا ول ءۇيدى ءوز اتىنا, كەيىن ۇلكەن قىزىمىزدىڭ اتىنا, ودان اعاسىنىڭ اتىنا اۋدارۋدى ۇسىندى. ءمان بارىنە كەلىستىم, بىراق ول تاراپتان ەشقانداي ارەكەت بولمادى. 2021 جىلدىڭ 31 تامىزىندا مەن پاراسات 16 مەكەن جايىنداعى ءۇيدىڭ جانە سول كەزدە ماعان تيەسىلى بولعان Toyota Land Cruiser 200 اۆتوكولىگىنىڭ قۇجاتتارىنىڭ تۇپنۇسقاسىن دانا مەن دوسىم اتەشوۆتىڭ اتىنا تىركەپ, ونى نوتاريۋسقا قالدىردىم. بۇل تۋرالى داناعا دا, دوسىماعا دا ەسكەرتتىم. سول كۇنى كەشەك دەيىن قۇجاتقا قويۋدى سۇرادىم. بىراق ولار مەنىڭ بۇل ءوتىنىشىمدى ەلەمەدى. وسىلايشا اكەمنىڭ ماعان ءۇيدى سىيعا تارتۋ تۋرالى قۇجاتتىڭ كۇشى جويىلدى. اكەم ۇيگە قايتا يەلىك ەتتى. الايدا ول ءۇيدى ساتا الماي, بالالارىنا بەرۋدى ءجون كوردى. ءسويتىپ پاراسات 16 مەكەن جايىنداعى ءۇيدى وكىل ۇلى ارسەن مۋساليموۆكە بەردى, – دەيدى مارات ايتەنوۆ.

جاڭا قوجايىننىڭ بۇل تالابىنا دانا قارسى شىققان. ءۇيدى بوساتۋ مەرزىمى وتكەن سوڭ ارسەن مۋساليموۆ سوت ارقىلى ارەكەت ەتەدى.