«Ol úıdi ákem syıǵa tartqan»: Áıeli men balalaryn úıden kúshtep qýyp shyqqan Marat Áıtenov oqıǵanyń mán-jaıyn aıtty

Foto: ulysmedia.kz

Otbasyn úıden kúshtep qýyp shyqty dep basy daýǵa qalǵan Marat Áıtenov alǵash ret pikir bildirip, sol kúni ne bolǵanyn aıtyp berdi., dep habarlaıdy Skifnews.kz aqparat portaly Stan.kz -ke silteme jasap.

Shymkenttiń eks-ákiminiń aǵasy áıeli men balalaryna qol kótermegenin aıtyp aqtaldy. Marat Áıtenov sot oryndaýshylar shaqyrtqan soń oqıǵa ornyna barýǵa májbúr bolǵanyn aıtady.

Qurmetti dostar, men eshqashan áleýmettik jelilerdi jeke maqsatta paıdalanǵan emespin. Osy ýaqytqa deıin «Áıelmen urysqansha, ólgen jaqsy» degen qaǵıdamen ómir súrip keldim. Shamasy, ýaqyt kelgen sııaqty. Aqparat alańy burynǵy jubaıym Dana Áteshova taratqan aqparatqa toldy. Biraq men óz shyndyǵymdy aıtqym keledi. Kópshilikti bala men ananyń soqqyǵa jyǵylýy jáne “Marat Áıtenov ol jerde ne istep júr?” degen suraq mazalaıdy. Men onda jekemenshik sot oryndaýshylardyń talaby boıynsha bardym. О́ıtkeni olar meni balalarymmen tártibimdi qarap jatyr. Meniń túsinýimshe, sottyń úıden shyǵarý týraly sheshimin oryndaıtyn jeke sot oryndaýshysy balalarmen sóılesý úshin basqa sot oryndaýshysyn shaqyrady. Al ol óz kezeginde meniń kelýimdi talap etti, – deıdi Marat Áıtenov.

Onyń aıtýynsha, sot oryndaýshylary Áıtenovke is júzinde ýltımatým qoıǵan. “Balalarǵa fızıkalyq jáne psıhologııalyq turǵydan qaýip tónip tur. Balalardyń anasy da sot sheshimin oryndaýdyń zańdy qyzmetine kedergi keltirgeni úshin qylmystyq qýdalaýǵa ushyraýy múmkin. Shuǵyl kelip, osy máseleni sheshińiz” dep talap etken.

Men eshkimdi, ásirese, balany, meıli ózimnin nemese ózgeni balasy bolsyn, urǵan emespin. Áleýmettik jelide taraǵan vıdeodan muny anyq kórýge bolady. Qyzymnyń murnynan ne sebepti qan aqqanyn sol jerde júrgen jedel járdem qyzmetkerlerinen suraǵan durys bolar. Meniń qateligim, sol jerde bolyp qana qoımaı, emoııaǵa boı aldyrǵanym. Men ol qateligim úshin 5 táýlikke qamalyp, jazamdy ótedim. Alda qylmystyq jazam bar, qazir tergeý júrip jatyr. Al sot oryndaýshylarynyń jumysyna kedergi keltirgen balalarymnyń anasyna qylmystyq is qozǵalǵan joq, – deıdi Áıtenov.

Sondaı-aq ol ne sebepti basy daýǵa qalǵanyn baıandady.

Oqıǵa ornyna baryp yǵaısyz jaǵdaıǵa tap boldym. Barlyq memlekettik organdardyń ókilderi sol jerde bolǵanymen olardyń tarapynan eshqandaı shara qoldanylmady. Olardyń dármensiz ekenin kórgen Dana Áteshova zańsyz áreketterin toqtatqan joq. Dananyń áreketterine tótep bere almaıtyndyqtan olar balalardyń ákesin, ıaǵnı meni “qurban etedi”. “Siz bolmasańyz, balalardy kim qorǵaıdy?”, “Qalaısha balalaryńyzdyń anasyn qaýip-qaterge qııasyz?”, “Burynǵy áıelińiz bolsa da, er azamattar ondaı qadamǵa barmaıdy” dep maǵan yqpal etýge tyrysty. Osylaısha, basym daýǵa qaldy, – deıdi Marat Áıtenov.

Onyń aıtýynsha, Dana Áteshova kúshtep qýylyp jatqan úıdi Marat Áıtenovtyń ákesi qyzy ekeýi turýy 2017 jyly satyp alǵan. Qyzy 2018 jyly turmysqa shyǵyp ketkendikten basqa balalarymen birge turmaq bolady. Onyń bul ótinishine Marat Áıtenov pen onyń burynǵy áıeli Dana Áteshova kelisedi. Keıin ákesi Parasat 16 meken jaıynda ornalasqan úıdi Marat Áıtenovke syıǵa taratady. Bul kezde Áıtenovtyń otbasynda janjaldar jıilep ol Dana Áteshovamen ajyrasady. Qujatta eki taraptyń da múlikke talaspaıtyny kórsetiledi.

Ajyrsqanymyzǵa qaramastan men Dananyń da, balalardyń da qajettiligin óteı beremin. Keıin Danamen jáne balalarmen ara qatynasymyzdy retteý týraly burynǵy áıelimmen sóılespek bolamyn. Osy rette oǵan úıdi satyp, sol aqshaǵa ekeýimizge bólek páter satyp alýdy usynamyn. Biraq Dana bul usynysyma jaýap bermedi. 2021 jyly Danaǵa úıdi menimen bólisiki kelmese óz atyna aýdaryp alýdy usyndym. Bul týraly onyń aǵasy Dosym Áteshovke de aıttym. Munyma da jaýap bergen joq. Alǵashynda ol úıdi óz atyna, keıin úlken qyzymyzdyń atyna, odan aǵasynyń atyna aýdarýdy usyndy. Mán bárine kelistim, biraq ol taraptan eshqandaı áreket bolmady. 2021 jyldyń 31 tamyzynda men Parasat 16 meken jaıyndaǵy úıdiń jáne sol kezde maǵan tıesili bolǵan Toyota Land Cruiser 200 avtokóliginiń qujattarynyń túpnusqasyn Dana men Dosym Áteshovtyń atyna tirkep, ony notarıýsqa qaldyrdym. Bul týraly Danaǵa da, Dosymaǵa da eskerttim. Sol kúni keshek deıin qujatqa qoıýdy suradym. Biraq olar meniń bul ótinishimdi elemedi. Osylaısha ákemniń maǵan úıdi syıǵa tartý týraly qujattyń kúshi joıyldy. Ákem úıge qaıta ıelik etti. Alaıda ol úıdi sata almaı, balalaryna berýdi jón kórdi. Sóıtip Parasat 16 meken jaıyndaǵy úıdi ókil uly Ársen Mýsalımovke berdi, – deıdi Marat Áıtenov.

Jańa qojaıynnyń bul talabyna Dana qarsy shyqqan. Úıdi bosatý merzimi ótken soń Ársen Mýsalımov sot arqyly áreket etedi.