«Olardyń qalaýy ortalyqtan záýlim úı»: jýrnalıst Núsipjanovqa ákimdik pen jomart jandar birneshe úı syılaǵanyn aıtty

Áleýmettik jelide ánshi Nurǵalı Núsipjanovtyń úısiz júrgeni týraly aqparat tarap ketti. Osyǵan baılanysty birqatar azamattar Halyq ártisin qoldap, jelide jazba jarııalanǵan bolatyn. Al jýrnalıst Asıa Asetkına jelide ánshini qoldap jazǵan postyn óshirgenin aıtty.

«Dostar, men Nurǵalı Núsipjanov týraly postymdy óshirdim. Sebebi, aǵanyń jaǵdaıyn jaqsy biletin kisilerdiń aıtýy boıynsha, Nurǵalı aǵaǵa osyǵan deıin bir emes, birneshe ret (ákimdikten de, meenattar da) úı syılaǵan eken. Biraq olardyń, jas jubaıy Jadyra ekeýi ol alǵan úılerin qanaǵat tutpaı, qalaýlary – Almatynyń jaqsy raıonynan, úlken úı alý eken. Anyǵyn bilip almaı, asyǵys post salǵanym úshin ózderińizden keshirim suraımyn», – dep jazdy ol facebook-tegi paraqshasyna.