О́lgim keldi: Akter Serik Shárip suhbat berdi

Foto: ashyq derekkóz

Akter Serik Shárip daýdan keıin birinshi ret suhbat berdi, dep habarlaıdy qandastar.kzQazaq today saıtyna silteme jasap.

Ol Ákimshilik quqyq buzýshylyq kodeksiniń 73-babynyń 1-bóligi, ıaǵnı, (otbasylyq-turmystyq qatynastar salasyndaǵy quqyqqa qarsy áreket) boıynsha 5 kún qamaýda bolǵan edi.

Sáýirdiń basynda akterdiń burynǵy súıiktisi Álııa Bóteeva áleýmettik jelilerde ony kúsh qoldandy dep aıyptap, lıftiden kúshtep shyǵaryp jatqan sáti túsirilgen beınejazbany jarııalaǵan bolatyn.

Akter ızolıatordan keıingi alǵashqy suhbatyn bloger Álisher Elikbaevqa bergen. Onda ol ne aıtty, qandaı kózqarastaryn jetkizdi? inbusiness.kz saıty suhbatty qysqasha túıindep, negizgi bólimderin usyndy.

Lıftide bolǵan oqıǵa týraly

Serik Sháriptiń suhbaty kópshilik bilgisi kelgen akterdiń burynǵy súıiktisimen bolǵan oqıǵa týraly óz nusqasynan bastalǵan.

Onyń aıtýynsha, olar Bóteevamen bir jarym jyl kezdesken, bir-birin qatty jaqsy kórgen. Alaıda 2024 jyldyń mamyrynan bastap aralarynda jıi qaıtalanatyn urys-keris bastalǵan. Sol jyldyń qarashasynda turmystyq máselelerge baılanysty ekeýi aıyrylysýǵa sheshim qabyldaıdy.

Akterdiń aıtýynsha, jeltoqsanda Bóteevanyń ózi habarlasyp, qarym-qatynasty qaıta qalpyna keltirýge tyrysqan, biraq nátıje bolmaǵan. Kóp ótpeı bıyl qańtarda akterdiń ózi keshirim surap, qajylyqqa barar aldynda onymen baılanysqa shyǵypty. Shetelde júrip te olar jıi sóılesip turǵan. Al Almatyǵa oralǵan soń qaıta kezdesken.

Beınebaqylaý kamerasyna túsip qalǵan janjal 8 aqpanda bolǵan. Akterdiń aıtýynsha, urys sodan 1 kún buryn bastalypty. Álııa onyń menedjeri qyzmetin atqarǵandyqtan, jumys barysyndaǵy túsinispeýshilik bolǵan. Áleýmettik jeli arqyly urysyp, keıin akter ony buǵattap tastapty. Biraq Álııa akterdiń úıine kelgen. Sol jerde sóz talastyryp, Bóteeva lıftke qaraı ketken. Serik Sháriptiń sózinshe, qyzdyń aıtqan sózderi kóńiline tıgen, budan soń ol artynan júgirip baryp, lıftiden shyǵaryp alǵan.

Oqıǵadan keıin olar páterge kirip, qaıta janjaldasqan. Sol kezde akter qyzdyń betinen urǵan. Olar túni boıy sóılesip, bir-birinen keshirim suraǵan jáne sodan keıin kórispegen. Álııa beınejazbany jarııalaǵanǵa deıin aralarynda esh baılanys bolmaǵan eken.

«Men bul dıalogpen ózimdi aqtaýǵa tyrysyp jatqan joqpyn, beınedegi is-áreketim úshin kinálimin. Áli kúnge deıin nege artynan júgirdim dep oılaı beremin» – deıdi akter.

Qyzdyń eki aıdan keıin beınejazbany jarııalaǵan sebebine qatysty suraqqa Serik Shárip onyń «sabaq bolsyn!» degen maqsatpen jasaǵanyn jetkizdi.

Cancel culture: Qoǵam akter isin qalaı qabyldady

Lıftidegi beınejazbanyń áleýmettik jelige taralyp ketkeni týraly Serik Sháripke eń áýeli dosy habarlaǵan eken. Bastapqyda akter ne bolyp jatqanyn túsinbegen. Onyń elektrondy poshtasy men áleýmettik jelidegi ashýly hattarǵa tolǵan. Jýrnalıstter, blogerler jappaı qońyraý shala bastapty.

Keıinnen oǵan jumys berýshileri habarlasady. Aldymen Salem Social Media ókilderi qońyraý shalyp, bedelge nuqsan kelý qaýpine baılanysty ony jobalardan ýaqytsha shettetkenderin jetkizgen. Bul shekteýdiń merzimi ázirge belgisiz.

Nátıjesinde, birneshe joba toqtaǵan. Atap aıtqanda, Serik Sháriptiń qatysýymen túsirilgen «Patrýl: Sońǵy buıryq» fılminen onyń kórinisteri qıylyp tastaldy; «Shaqal», «Mıaý», «Alaıaqtar» fılmderiniń prodıýserleri onymen jumys isteýden bas tartty; «Qarga» telehıkaıasynyń úshinshi maýsymy toqtatyldy; Akter kommerııalyq jobalardan da shettetildi.

«Basynda bári bitti dep, ómirden túńilip, sýııd týraly oıladym. 13 jylymdy kınomatografııaǵa arnaǵanymdy eske aldym. Bul men úshin úlken synaq», – dedi akter.

Bıshimbaevpen salystyrý

Suhbatta Serik Shárip ózin Qýandyq Bıshimbaevpen salystyrý máselesine toqtalǵan. Áleýmettik jelilerde onyń IVS-qa qamalýy aldynda Bıshimbaevtyń akterdi jubatyp jatqanyn beınelegen, ıaǵnı, jasandy ıntellekt jasaǵan rolık taraǵan bolatyn.

«Men kisi óltirýshi emespin. Bireý aıtar «Sen ekinshi Bıshimbaev bolasyń» dep. Biraq men olaı sanamaımyn. Bul – onyń ómiri, onyń taǵdyry, onyń qateligi. Sol kúni men Álııamen janjaldasýdan qashqaqtadym. О́zimdi aqtap jatqan joqpyn, ıá, men qatelestim. Biraq mundaı salystyrýlar – qorlaý dep sanaımyn. Bul eki bólek oqıǵa. Men basqa salanyń adamymyn. Barlyǵy tek meniń er adam ekenimdi kórip, kináli dep qabyldaıdy», – dedi Serik Shárip.

Akter sondaı aıyptaýlardan keıin ózine til tıgizý faktisi boıynsha polıııaǵa aryz jazǵanyn da qosa aıtty.

Say Mo-men ómiri jáne qalaı aıyrylysty

Suhbatta Álisher Elikbaev Serik Sháptiń Álııa Bóteevamen bolǵan jaǵdaıǵa deıin qazaq reperi Móldir Esembekpen (Say Mo) bolǵan qarym-qatynasy týraly da surady. 2020 jyldyń qarashasynda akter men Say Mo nekege otyrǵan bolatyn. Keıinirek reper olar resmı túrde ajyrasqanyn jáne óz sózinshe, «abıýzermen» birge turǵanyn málimdegen.

Bóteevamen bolǵan janjal kezinde Say Mo ashyq túrde Álııany qoldaǵan.

«Biz Say Mo ekeýmiz qarym-qatynasta boldyq. Men ony jaqsy kórdim, ol meni jaqsy kórdi. 2020 jyly karantın kezinde birge bolyp, úıden shyqpaǵan kezimizdi áli eske alamyn. Bir ret te uryspadyq, fılmder kórip, ýaqytty birge ótkizdik. Ol keremet adam, talantty ártis. Ol maǵan kóp nárse úıretti. Sol ýaqyt úshin rızamyn», – dep bastady sózin akter.

Al Say Mo-ǵa qatysty kúsh qoldaný týraly suraqqa Serik Shárip oǵan «qol kótermegenin» alǵa tartty.

«Bul suraqqa qalaı jaýap bererimdi bilmeımin. Ony urdym ne qol kóterdim dep aıta almaımyn. Ondaı jaǵdaı bolǵan joq. Urys-keris, sóz talas boldy – biraq ol bárimizde de bolady ǵoı. Bul meni aqtamaıdy. Biraq ol ınternette aıtqandaı «ómirimdi tozaqqa aınaldyrdy» degenge kelise almaımyn. Kóp nárseni esime túsire almaımyn. Eger qazir birdeńe qosyp ne alyp tastasam, ol shyndyqqa saı kelmeıdi», – dep jaýap berdi.

Suhbattan keıingi qoǵamnyń reakııasy

Osy tusta áleýmettik jeli qoldanýshylary suhbatty ártúrli qabyldaǵanyn aıta keteıik.

Keıbir belsendiler akterdi aıyptap, bloger Álisher Elikbaevtyń odan suhbat alýyn qaralaǵan. Kóbine belsendiler er adamdardyń áıelderge jasalatyn zorlyq-zombylyqtyń aýyrlyǵyn túsinbeı kele jatqanyn aıtqan.

О́z kezeginde bloger Álisher Elikbaev ta únsiz qalmady. Ol «negatıvti pikirler jazyp jatqan adamdar suhbatty tolyq kórmegenin, tek úzindilerin qaraǵandar» ekenin jetkizgen.