وليگارح ماشكەۆيچ پەن شوديەۆ حالىقارالىق جانجالدىڭ ورتاسىندا قالدى

فوتو: ۋلىس مەديا كوللاج

وڭتۇستىك افريكانىڭ ارنايى قىزمەتى ميللياردەر الەكساندر ماشكەۆيچ پەن پاتوح شوديەۆ باسقارعان Eurasian Natural Resources Corporation (ENRC) حالىقارالىق كورپوراتسياسى قىزمەتىنىڭ كولەڭكەلى تۇسىن اشتى, – دەپ حابارلايدى qandastar.kz

تانىمال زەرتتەۋشى جۋرناليست توم بەردجيستىڭ ايتۋىنشا, افريكالىق بولىمشەنىڭ جەمقورلىق پەن اقشانى جىلىستاتۋعا قاتىسى بار. ءىستىڭ نەگىزگى ەپيزودى افريكالىق گەولوگ اندرە بەككەردىڭ جۇمباق ولىمىنە قاتىستى.

تەرگەۋدە كورپوراتسيانىڭ جەتەكشى باسشىلارى رەتىندە الەكساندر ماشكەۆيچ پەن پاتوح شوديەۆتىڭ ەسىمى قاتار اتالادى. ولاردىڭ قازاقستاندى بىلاي قويعاندا افريكاداعى شاحتالاردى ساتىپ الىپ, قالتا قامپايتۋى دا كۇدىكتى قويۋلاتىپ تۇر.

ايتا كەتەيىك, ENRC-ءدى قۇرعان ءۇش وليگارح – الەكساندر ماشكەۆيچ, پاتوح شوديەۆ جانە اليمجان يبراگيموۆ بولاتىن. ولار قازاقستاندا كاپيتاليزم ورناتىلىپ جاتقان العاشقى جىلدارى مەتالل جانە تاۋ-كەن ونەركاسىبى, ەنەرگەتيكا مەن قارجى سالاسىنداعى اكتيۆتەردىڭ باسىم كوپشىلىگىنە باقىلاۋ ورناتقان.