«ولىك جونەلتكەندەي ۇزاتقان نە ماسقارا»: ايگۇل ەلشىباەۆا سىڭسۋ ورنىنا قۇران وقيتىندارعا شۇيلىكتى

فوتو: ۆيدەودان كادر

ونەر يەسىنىڭ ايتۋىنشا, ءداستۇرلى ەمەس ءدىني اعىم وكىلدەرى سالت-ءداستۇرىمىزدى جوققا شىعارىپ جاتقان كورىنەدى. 

تانىمال ءداستۇرلى ءانشى ايگۇل ەلشىباەۆا قىز ۇزاتۋ كەزىندە سىڭسۋ ورنىنا قۇران قوسىپ قوياتىنداردى سىنادى, دەپ حابارلايدى qandastar.kz Skifnews.kz-كە سىلتەمە جاساپ.. 

ونەر يەسىنىڭ ايتۋىنشا, ءداستۇرلى ەمەس ءدىني اعىم وكىلدەرى سالت-ءداستۇرىمىزدى جوققا شىعارىپ جاتقان كورىنەدى.

“الجىعان ۋاحاپتار! قىز بالانى قۇران وقىپ, ولىك جونەلتكەندەي ۇزاتقان نە ماسقارا. كورگەن كوزدە جازىق جوق. ۋاحاپتار سالت-داستۇرگە قارسى بولساڭدار, قۇران وقىپ ۇزاتقانشا, ۇزاتۋ تويىن جاساماي, ۇيلەرىنەن جىبەرە سالساڭدارشى, سالت-ءداستۇرىمىزدى قور قىلماي. قىز ۇزاتۋ سالت-داستۇرىمىزگە جاتادى. ايالاپ وسىرگەن قىزىن, جات ۇياعا بەرۋ – قيماستىعىنىڭ بەلگىسى. ارابتاردا كۇڭ-قۇل ساتۋ, ايەلدىڭ بيلىگى ەكىنشى ورىندا بولعاندىقتان, قازاقتىڭ داستۇرىندەي قىز بالاعا قۇرمەتى جوق – دەپ جازدى ءداستۇرلى ءانشى.

سونىمەن قاتار ونەر يەسى ءدىني سالتتارعا ۇلتىمىزدىڭ ەجەلدەن كەلە جاتقان ءداستۇرلى ادەت-عۇرىپتارىمەن شاتاستىرماۋدى ءوتىندى.

“تويدى ساداقاعا اينالدىرعان, ساداقا مەن قىز ۇزاتۋ سالت-ءداستۇردى ايىرا الماعان ءدۇبارا ساۋاتسىزدار. ۋاحاپ شەيحتارىڭا ۇنايمىن دەگەنشە, ولە قالىڭدار, قازاق بولماي كەتكىرلەر. ۇلتىمىزدىڭ تاربيەلى, ماعىنالى قىز بالاعا اق تىلەگىمەن قۇرمەت كورسەتكەن سالت-ءداستۇرىن ساداقاعا اينالدىرماڭدارشى. يسلام ءدىنى, ابۋ حانيفا مازحابىن ۇستاعان قازاق نەشە عاسىر مۇنداي سۇمدىقتى كورمەگەن شىعار?! وسىلاردىكى دۇرىس پا, اعايىن?» –دەپ اشۋلاندى ونەر وكىلى.